Communicaziuns a las medias & Actualitads

Communicaziuns a las medias 29.01.2021

Novs highlights da sport per l'enviern – «La grande histoire du ski» ed ulteriurs films documentars èn ussa disponibels sin Play Suisse

La purschida sin Play Suisse vegn amplifitgada d'in cuntin – e quai cun cuntegns che van a prà cun l'enviern. Tar ils novs highlights da sport tutga il film documentar «La grande histoire du ski». Quest film sco er auters cuntegns che embelleschan l'enviern per nus èn ussa disponibels sin la plattafurma da streaming.

Communicaziuns a las medias 17.12.2020

Play Suisse – in ferm cumenzament e novs puncts culminants per las Festas

Play Suisse, la nova plattafurma da streaming da la SSR, vegn utilisada fermamain gia las emprimas emnas ed extendida cuntinuadamain. A partir d'immediat èsi pussaivel d'acceder a Play Suisse tranter auter era via ulteriuras boxas da Swisscom «blue TV» ed ina nova selecziun da serias, films e documentaziuns è pronta per il streaming.

Communicaziuns a las medias 11.12.2020

Mario Timbal daventa directur da RSI

Il cussegl d'administraziun da la SRG SSR ha suandà la proposta da la suprastanza regiunala da la Società cooperativa per la Radiotelevisione svizzera di lingua italiana (Corsi) ed ha elegì a chaschun da sia sesida dals 11 da december Mario Timbal sco nov directur da Radiotelevisione svizzera di lingua italiana (RSI). Timbal – naschì en il Tessin, anteriur Chief Operating Officer dal Locarno Film Festival e directur operativ actual d'ina fundaziun culturala ad Arles – surpiglia sia nova funcziun tar RSI la primavaira 2021.

Actual 08.12.2020

Seria-web «Metta da fein»: In mitus vegn leventà da mort en vita

Dumengia, ils 13 da december, a las 20:15, èsi uschè lunsch. RTR mussa l'emprima seria-web rumantscha «Metta da fein».

Communicaziuns a las medias 06.11.2020

Play Suisse, la plattafurma da streaming da la SSR, va online

Damaun sonda va online Play Suisse, la nova plattafurma da streaming da la SSR. Saja quai via televisiun, smartphone u computer: las meglras atgnas producziuns e coproducziuns da la Svizra stattan a disposiziun da nov da tuttas uras , dapertut, gratuitamain ed en pliras linguas. En pli èsi pussaivel da midar senza interrupziun d'in apparat a l'auter.

Communicaziuns a las medias 22.10.2020

La SRG SSR lantscha sia nova plattafurma da streaming ils 7 da november

En paucs dis vegn lantschà Play Suisse: ils 7 da november preschenta la SSR sia nova plattafurma da streaming a la publicitad. La lantschada ha lieu en il rom dal Geneva International Film Festival. Play Suisse è disponibel via computer, smartphone e televisiuns intelligentas – ed era sco app sin Swisscom blue TV.

Actual 08.10.2020

In viadi digital tras l'istorgia da la SSR

La SSR è vegnida fundada avant prest 90 onns sco Societad svizra da radiodiffusiun. Dapi lura ha ella fatg tras bleras midadas e superà numerusas sfidas. Questas etappas èn vegnidas cumpiladas da nov e publitgadas sin www.srgssr.ch sut «La cronica da la SSR». Ultra dals texts contribueschan era las illustraziuns da l'Archiv central da la direcziun generala ad ina survista attractiva.

Communicaziuns a las medias 29.09.2020

Covid-19: ils effects sin las entradas e sin l'ulteriura transfurmaziun da la SRG SSR

l lockdown e la crisa da sanadad actuala han accelerà ils trends da las entradas da la reclama regressivas e da l'utilisaziun pli e pli digitala da las medias svizras. La SSR reagescha sin quellas midadas, fa adattaziuns e cuntinuescha sia transfurmaziun.

Actual 22.07.2020

«Metta da fein»: prima seria-web rumantscha ficziunala

RTR producescha e mussa il december 2020 l'emprima seria-web ficziunala rumantscha dals auturs Carlo Beer ed Urs Berlinger. L'istorgia «Metta da fein» è in crimi umoristic.

Communicaziuns a las medias 25.06.2020

Nicolas Pernet daventa directur da RTR

Il cussegl d'administraziun da la SRG SSR ha suandà unanimamain la proposta da la suprastanza regiunala da la SRG SSR Svizra Rumantscha ed ha elegì en sia seduta dals 25 da zercladur Nicolas Pernet sco nov directur da RTR. L'Engiadinais che lavura oz sco manager da medias tar Ringier surpiglia sia nova funcziun tar RTR tenor cunvegnientscha cun sia patruna actuala.