Diversitad e qualitad
La purschida da la SSR s'orientescha als basegns multifars da la Svizra plurilingua e multiculturala. La diversitad dat perquai la tempra a nossas purschidas ed emissiuns e decida noss punct da vista.
Il vast spectrum da noss programs da radio e televisiun reflectescha la Svizra plurilingua e multiculturala. La Svizra multifara dat la tempra a noss formats, noss cuntegns e noss punct da vista – e quai sin l'entira paletta da l'infurmaziun, cultura e furmaziun sco er en il sport ed il divertiment.
Nossas purschidas resguardan tut ils aspects socials relevants da nossa convivenza. La diversitad e l'independenza schurnalistica ensemen cun l'auta qualitad dattan la tempra a noss service public.
Nossa purschida sa basa sin las valurs da noss maletg directiv:
- diversitad
- qualitad
- independenza
- responsabladad
- dialog
- creativitad
