Incumbensa d'infurmaziun politica

Las reportaschas dal parlament e da la Chasa federala èn ina part integrala da noss programs da radio e televisiun. Nus infurmain davart votaziuns federalas e chantunalas a l'urna, emettain las elecziuns da l'Assamblea federala e las elecziuns dal Cussegl federal en directa e las laschain commentar dad experts.

Studio Chasa federala

Il studio Chasa federala rapporta directamain da Berna davart la politica. Il studio Chasa federala porscha in service cumplessiv per producziuns internas ed externas: da l'organisaziun e planisaziun d'emissiuns fin a lur diffusiun. La SSR è la partenaria da producziun uffiziala da la Confederaziun e registrescha sesidas: per ils Servetschs dal parlament tut las debattas dal Cussegl naziunal e dal Cussegl dals chantuns e per la Chanzlia federala tut las conferenzas da pressa dal Cussegl federal.