La SSR s'inscuntra cun la societad svizra

Sco interpresa da medias cun incumbensa da service public gioga la SSR ina rolla particulara en l'ecosistem medial e vul perquai chapir meglier co che la populaziun percepescha sia contribuziun a la societad, saja quai areguard la coesiun sociala, la democrazia, la diversitad culturala u ils effects economics.

Ina nova furma da dialog

Co percepescha la publicitad questa valur publica? Tge tematicas stuess la SSR sviluppar prioritarmain per ademplir sia incumbensa da service public? Co sa differenziescha ella da las autras medias?

Per respunder a questas dumonda ha la SSR creà ina nova furma da dialog cun la populaziun a basa d'ina vasta consultaziun. Questa consultaziun ha per exempel mussà che 82% da las persunas interrogadas èn da l'avis che la SSR contribueschia a l'identitad svizra ed a la coesiun dal pajais. Percunter pensa ina persuna da trais ch'ella pudess entrar pli fitg sin ils basegns da la societad.

Set tematicas principalas da la SSR èn medemamain sa cristallisadas:

  1. la purschida adattada per il public giuven
  2. la qualitad e l'equiliber da l'infurmaziun
  3. la participaziun dals burgais e da las burgaisas
  4. la dimensiun svizra da nossa purschida
  5. la represchentaziun visibla da la diversitad
  6. la participaziun constructiva a l'ecosistem medial
  7. il dialog e l'abilitad d'acceptar critica

Voss’opiniun è dumandada!

Co pudain nus meglierar nossa contribuziun da service public quotidiana per la giuventetgna? 

As participai uss ed explitgai Voss’opiniun!

Grazia als resultats da questa retschertga pudain nus analisar, discutar internamain ed armonisar  Vossas spetgas en il servetsch da la SRG SSR. Nua èn ils puncts debels? Tge funcziuna gia bain? Sin basa dals resultats vulain nus concretisar mesiras effectivas e realisar quellas, dar impuls, incitar la reflexiun e l’acziun. Nus vulain er reflectar nossa lavur criticamain. Per quai avain nus  basegn da Voss’experientscha ed expertisa. Nossa finamira èsi da rinforzar la contribuziun sociala da la SRG SSR. Cun Vossa participaziun faschais Vus ina contribuziun impurtanta per il futur da la SRG SSR.   

La retschertga cuzza 15 minuta, sa drizza a tut las persunas en Svizra, en tut las regiuns e da tuttas vegliadetgnas. Nus engraziain cordialmain per l’interess e Vossa participaziun!