Litteratura

La litteratura è art dal pled e memoria culturala. Texts litterars reflecteschan la varietad culturala e linguistica. En la litteratura reconuschain nus nus sezs e perscrutain il mund. La litteratura fa mirveglias ed è il passà e l'avegnir. La litteratura è service public.

En emissiuns da litteratura guardain nus sin il martgà litterar actual e dain ina plattafurma a la lavur d'autur:as sviz:ras. Las emissiuns da RTR «Il magliacudeschs» u ils «Impuls» permettan da dar in'egliada en ovras veglias e novas. En l'emissiun da radio «Impuls» prelegian autur:as dapi il 1993 texts litterars scrits d'autur:as rumantsch:as. Ils texts èn vairs u inventads, leghers u poetics, trists u critics – ma els tuts inspireschan e dattan da pensar.

Nus sustegnain autur:as sviz:ras ed occurrenzas litteraras

En il rom d'in partenadi da medias promovain nus dapi il 2007 ils Dis da litteratura da Soloturn. Nus sustegnain er il giuven festival litterar «Lettere dalla Svizzera alla Valposchiavo» che ha lieu dapi il 2021 en il Puschlav. L'occurrenza metta en il center la plurilinguitad ed il barat tranter autur:as da l'entira Svizra. Dapi l'emprima ediziun il 1990 è RTR partenaria dals «Dis da litteratura» che han lieu l'atun a Domat.