Films e serias

Films e serias èn ils ambassadurs da la diversitad culturala. Films e serias ans mainan en munds nunenconuschents. Els ans intgantan, inspireschan e commovan. Els mussan la realitad e creeschan sezs ina realitad. Films e serias èn service public.

Nossa purschida attractiva da films, films documentars e serias actualas sco era da gronds classichers dal film offra al public ina gronda tscherna da producziuns svizras ed internaziunalas. 

Promoziun dal film

Nus ans engaschain sco partenaria da medias per festivals da film e sustegnain coproducziuns svizras cun meds finanzials e know-how. Nus essan sper l'Uffizi federal da cultura la pli impurtanta promotura dal film svizzer.

Play Suisse

Ina collecziun da serias, films, documentaziuns, reportaschas e perlas da l'archiv da RTR, RSI, RTS e SRF chatt'ins dapi il november 2020 era sin nossa plattafurma da streaming Play Suisse. Ils cuntegns èn disponibels en la lingua originala cun suttitels en tudestg, franzos e talian. Ina selecziun da contribuziuns datti era cun suttitels rumantschs. La structura tematica dal catalog e las recumandaziuns persunalisadas permettan da scuvrir purschidas fin ussa nunenconuschentas da las autras regiuns linguisticas.

Festivals

Nus sustegnain era numerus festivals ed events da film: saja quai il festival da film a Locarno, il Visions du Réel a Nyon u il festival da films curts a Winterthur – in vast public è da la partida, cura che acturs e reschissurs vegnan sin tribuna.