Il provediment da basa en situaziuns da crisa

Dal Cussegl federal avain nus l'incumbensa d'infurmar la populaziun svizra er en situaziuns da crisa almain via radio (artitgel 24 da la Concessiun da la SRG SSR). La SRG SSR fa part da las uschenumnadas infrastructuras criticas, damai da las interpresas da servetsch ch'èn essenzialas per l'economia u las basas da viver da la populaziun. 

Per che nus possian infurmar la populaziun er en situaziuns extraordinarias, avain nus stgaffì in'infrastructura da radio resistenta a crisas e manain il sistem ICARO che cumpiglia tut las centralas operativas da las polizias chantunalas. Ultra da quai avain nus fatg ina cunvegna da prestaziun cun la Confederaziun (radio d'urgenza IBBK). Uschia survegnin nus en cas da basegn durant ina situaziun da crisa sustegn subsidiar da l'infrastructura militara da la Confederaziun.

Pertge gioga il radio ina rolla impurtanta en situaziuns da crisa?

  • passa 96% da la populaziun en Svizra è cuntanschibla via radio
  • radio pon ins recepir en in tschaler da protecziun civila
  • la producziun e derasaziun da radio èn segiradas cun current d'urgenza
  • blers umans han access ad in apparat final che funcziuna senza electricitad (p.ex. radio d'auto)

Tge ston ins far en cas d'in alarm da sirenas? 

  1. tadlar radio 
  2. suandar las instrucziuns da las autoritads
  3. infurmar vischinas e vischins

Per ulteriuras infurmaziuns consultai p.pl. la pagina-web da l'Uffizi federal da la protecziun da la populaziun UFPP: Alarm ed infurmaziun