Sport per tuts
Il sport fascinescha, sveglia passiun ed emoziuns. Il sport unescha umans independentamain da la lingua, cultura u derivanza. Il sport è service public.
La Svizra, ina naziun da sport
71 pertschient da la populaziun svizra fa almain ina giada ad emna sport. E medemamain 75 pertschient da las Svizras e dals Svizzers sur 15 onns persequiteschan eveniments da sport via almain in medium sco la televisiun, il radio u plattafurmas online. Emissiuns da sport èn perquai spezialmain popularas ed han regularmain bunas quotas d'audituras e d'aspectaturs.
Il sport è francà en la societad e tutga tar l'incumbensa da service public da la SRG SSR.
Sport Svizra 2020 e 2022 (UFSPO)
50 900 persunas sesan sin la tribuna
45 collavuraturas e collavuraturs da la SRG SSR produceschan il signal internaziunal
Festa federala da lutga e da gieus alpesters 2025 a Mollis: inscenà medialmain cun success da la SRG SSR
Engaschament da sport en 160 secundas
L'entira varietad dal sport
Nus avain rapportà detagliadamain ils ultims onns al radio, en la televisiun sco er en las medias online davart var 100 disciplinas. Noss emetturs SRF, RTS, RSI e RTR transmettan regularmain passa 20 disciplinas en directa – tranter auter disciplinas popularas sco ballape, hockey sin glatsch, tennis u ski alpin. Plinavant purschain nus ina plattafurma mediala a disciplinas che n'èn betg adina en il focus. Quai èn tranter auter gimnastica artistica, unihockey, ballarait, sport a chaval, atletica leva u remblar.
Il 2025 han ils emetturs linguistic-regiunals da la SRG SSR emess passa 17'000 uras (incl. repetiziuns) sport en la televisiun, il radio e las medias online – radund 8400 da questas uras live. Passa 40 pertschient da questa rapportaziun live han cuvert sports che stattan pli pauc en il focus medial. Quai è ina purschida unica en la televisiun europeica da recepir libramain, per l'ina la purschida generala e per l'autra concernent la varietad da las disciplinas da sport mussadas.
Producziuns
La SRG SSR ha bler know-how en la producziun d'occurrenzas da sport grondas e pitschnas. Perquai è ella ina partenaria fidaivla per il sport svizzer concernent la producziun e la transmissiun d'occurrenzas da sport d'auta qualitad.
La SRG SSR accumpogna mintg'onn passa 100 events da sport e campiunadis svizzers en pli che 20 differentas disciplinas sportivas. En quest rom producescha ella passa 1000 concurrenzas ad onn.
La SRG SSR presta uschia ina contribuziun preziusa per la preschientscha mediala dal sport svizzer en sia diversitad cumplaina.
Cifras e fatgs
Quota d'aspectaturs
Las reportaschas en directa èn a la testa da la glista da las topemissiuns da la SSR:
Uefa Euro 2024 en Germania – Svizra cunter l'Engalterra:
- 2,1 milliund aspectaturas ed aspectaturs sin tut ils emetturs da la SSR
- Quota da participaziun al martgà: 77,4%
Fifa campiunadi mundial en Russia
- 2,26 milliund aspectaturas ed aspectaturs sin tut ils emetturs da la SSR
- Quota da participaziun al martgà: 67,2%
Uefa Euro 2016 en Frantscha – Svizra cunter la Frantscha:
- 2,23 milliund aspectaturas ed aspectaturs sin tut ils emetturs da la SSR
- Quota da participaziun al martgà: 65%
Campiunadi mundial da skis 2024 a Saalbach Cursa rapida dals umens
- En media 1,12 milliuns aspectaturas ed aspectaturs sin tut ils emetturs da la SSR
- Quota da participaziun al martgà: 70,1%
Campiunadi mundial da skis 2017 a San Murezzan Cursa rapida dals umens: Beat Feuz gudogna aur
- En media 1,3 milliuns aspectaturas ed aspectaturs sin SRF zwei, RTS Deux e RSI LA 2
- Quota da participaziun al martgà: 71,9%
Transmissiuns en directa
Cursas dal Lauberhorn a Wengen
- 2 emnas
- 20 cameras
- Passa 10 tonnas material
Tour de Suisse
- Producziun da 10 cursas en 5 dis
- 120 min Temp da transmissiun per cursa
- 1 aviun da surfatscha per la transmissiun dal maletg
- 1 helicopter cun camera
- 3 fin 4 motos cun operatur da camera
- pliras cameras fixas en l'arrivada
Swiss Indoors a Basilea
- 31 gieus = 71 uras da producziun
- 9 cameras per il Center Court
- 3 cameras per il court 2
Cuppa Spengler a Tavau
- 11 gieus = 30 uras da producziun
- 8 cameras manischadas e camera-chapellina per l'arbiter
Grad da refinanziaziun
Cun emissiuns da sport na pon ins far nagins daners en Svizra. La producziun da sport è pretensiusa e cumplexa.
- En media cuvran la reclama ed il sponsoring sulettamain 10 fin 20 pertschient dals custs cumplains per ils dretgs, la producziun e la derasaziun.
- Schizunt occurrenzas da sport sco gieus olimpics d'enviern e da stad na pon betg vegnir finanziadas cun la reclama.
Actualisà l'ultima giada: fanadur 2025
Cursas dal Lauberhorn
Passa 20 cameras
Passa 10 tonnas material