Gulivaziun da finanzas
Sco chasa da medias publica stat la SSR garanta per solidaritad federala. Ella procura per in'offerta federalistica da purschidas audiovisualas en tut las parts dal pajais e tut las linguas naziunalas.
La SRG SSR è la suletta interpresa da medias che producescha purschidas audiovisualas en tut las quatter regiuns linguisticas ed en tut las quatter linguas naziunalas. Quai è pussaivel grazia a valurs svizras sco la solidaritad ed il federalissem – ellas èn il fundament da nossa identitad ed in mussavia per nossa lavur. Mo grazia a la contribuziun da solidaritad da las Svizras tudestgas e dals Svizzers tudestgs sa la SRG SSR servir era las autras regiuns linguisticas mintga di cun ina purschida da radio, televisiun ed online multifara e da gronda qualitad. Dals 73 % che la Svizra tudestga incassescha da la taxa da medias survegn ella 43 %. La differenza survegnan la Svizra franzosa, la Svizra taliana e la Svizra rumantscha. Cun la gulivaziun da finanzas solidarica fa la SRG SSR ina contribuziun impurtanta a la coesiun naziunala, a la chapientscha vicendaivla ed al barat tranter las regiuns linguisticas.
Ils servetschs furnids centralmain sco era Swissinfo vegnan repartids en questa grafica proporziunalmain sin las regiuns linguisticas. Effects spezials na vegnan betg mussads en la grafica.
Actualisà l'ultima giada: zercladur 2026