La cronica da la SSR dapli il 1931

La fundaziun

Ils 24 da favrer vegn fundada la Societad svizra da radiodiffusiun (SSR) sco organisaziun tetgala da tut las societads da radio regiunalas. La SSR survegn dal Cussegl federal la concessiun exclusiva per emissiuns da radio en Svizra.

Maurice Rambert

Maurice Rambert è l'emprim directur general da la SSR. Ses temp d'uffizi dura dal 1931 fin il 1936.

Il Radio Bern

La Radiogenossenschaft Bern vegn fundada ils 15 d'avust 1925, pauc pli tard sa numna ella uffizialmain Radio Bern. Il 1931 dischlochescha Radio Bern da la sala da cura Schänzli en il studio da radio odiern a la Schwarztorstrasse a Berna.

Dapli

Ils emprims emetturs da radio naziunals Sottens e Beromünster

Ils emprims radios naziunals da lingua tudestga e franzosa emettan lur program: Sottens il mars 1931 e Beromünster il matg 1931.

Rapport da gestiun 1931

Hermann Gwalter

Hermann Gwalter è l'emprim president da la SSR. Ses temp d'uffizi dura dal 1931 fin il 1932.

Ils programs da radio daventan il tema dal di

Il dumber dals concessiunaris s'augmenta a moda andetga per 81 376 sin 231 397. Ils programs da radio daventan il tema dal di. I vegnan lantschads ils emprims programs d'emprova via telediffusiun per la Svizra taliana.

Novitads da l'Agentura telegrafica svizra

La SSR po emetter mo novitads producidas da l'Agentura telegrafica svizra (ATS/SDA). Quai èn a l'entschatta sulettamain dus bulletins da novitads a di. In contract correspundent vegn suttascrit.

Il radioscola

Il november vegn introducì il radioscola. La SSR producescha da qua d'envi emissiuns ensemen cun las scolas.

Rapport da gestiun 1932