RTR lantscha la segunda seria rumantscha ficziunala

Actual 07.02.2023

Suenter l’emprima seria-web «Metta da fein» realisescha Radiotelevisiun Svizra Rumantscha (RTR) uss ina segunda seria rumantscha ficziunala. Las lavurs da filmarper la nova seria «L’ultim Rumantsch» cumenzanla primavaira. Filmadavegn la seriadal matgenfin il zercladur 2023 a Cuira, Turitg ed en auters lieus dal Grischun. «L’ultim Rumantsch» vegn producì da Shining Film AG per incumbensa da RTR.

En il center da la seria stat la famiglia Durisch, possessura e manadra da la pli gronda chasa da medias dal Grischun. Sco giuven ha Gion-Peder Durisch fundà l’interpresa. Avant onns è el dentant sa decidì da surdar quella a ses figl Gion. Quel vul spargnar e reorganisar la fatschenta e betg pli producir la gasetta nunrentabla «Posta». Il conflict è programmà! Perquai che la Posta è il project da cor da Gion-Peder, navul el savair nagut pli da ses figl. I na sa tractabetg mo da l’emprima gasetta ch’’el aveva fundà, mabain erdal’ultima gasetta rumantscha en Svizra. Cura che Gion-Peder mora, cumenza il cumbat en famiglia. En ses testament fa el si ina part da la chasa da medias a sia biadia Ladina, quai cun il giavisch ch’ella surpiglia e maina vinavant la Posta. Ma Ladina na vul avair da far nagut cun il mund da las medias e sia famiglia. Dapi onns abita ella a Turitg e cumbatta sco activista cunter concerns gronds e per ils dretgs d’animals. Cura che Ladina vegn conscienta da la muntada da la gasetta, è la tentaziun gronda da profitar da la plattafurma da medias per sias atgnas ideas e valurs.

«L’ultim Rumantsch» è situàen la tensiun dal martgà medial fitg cumpetitiv. Idealissem frunta sin realitads sgarschaivlas, regl da profit sin tradiziun e cuntradas muntagnardas idillicas sin interess urbans. La cultura rumantscha vegn en las stretgas. Ed entamez stat ina dunna giuvna pli sensibla che quai ch’ella vuless atgnamain esser.

Flavio Bundi, schefredactur da RTR sa legra gia uss sin la segunda seria ficziunala: «'L’ultim Rumantsch’percepescha la debatta actuala sur d’identitads culturalas da cuminanzas e reflectescha quellas. Er sche la seria è localisada en il Grischun, pudess ella giugar dapertut sin il mund. Cun la seria-web survegnan las aspectaturas ed ils aspectaturs insatge per chau, venter e cor.»

La seria en 5 parts vegn producida da Sophie Toth e Timo Raddatz da la Shining Film AG a Turitg. Manuel Sieber ed Anne Sommer da schau. ScRLCuira èn las persunas da contact sin illieu. Adrian Perez maina reschia cun la camera dad Aaron  Graf. En il writers room han Adrian Perez,  Jen Ries e SimonNagel sviluppà ils scripts. Las filmadas han lieu dalmatg enfin fanadur 2023. La diffusiun da la seria è planisadaper la primavaira 2024.

Avis per lasmedias

Visitas da la filmada a Cuira èn pli probabel pussaivlas il matg 2023. Infurmaziuns detagliadas suondan. Reservaziuns èn gia uss pussaivlas sin communicaziun@rtr.ch.

Contact

RTR
Tamara Deflorin, Scheffa Communicazium & marketing
058 136 30 23
tamara.deflorin@rtr.ch