Communicaziuns a las medias & Actualitads

Communicaziuns a las medias 14.10.2025

La plattafurma da streaming futura da la SRG SSR sa numna Play+

La SRG SSR tradescha il num da sia plattafurma da streaming naziunala futura Play+. L'atun 2026 vegnan tut ils audios e videos da RTR, RSI, RTS e SRF sco era da Play Suisse reunids sin ina suletta plattafurma – live, da tuttas uras ed on demand. La plattafurma vegn a porscher in nov dachasa digital al public da l'entira Svizra. Il num Play+ stat per quai che la plattafurma empermetta: in plus per dapli cuntegns, dapli Svizra e dapli service public.

Communicaziuns a las medias 30.06.2025

La SRG SSR sa tschenta si da nov e nizzegia sinergias internas

La SRG SSR è pretendida uschè fitg sco anc mai. Enfin il 2029 sto ella spargnar var 270 milliuns francs, pia 17 pertschient da ses preventiv. Quai er perquai che la taxa da medias sa sbassa en l’avegnir sin 300 francs. Il medem mument sa mida l’ambient rasantamain. La SRG SSR vul porscher er en l’avegnir in program d’auta qualitad che cuntanscha tut las gruppas da la populaziun. Per che quai reusseschia, sto ella sa tschentar si da nov da fund ensi e sa transfurmar fundamentalmain. La SRG SSR daventa pli digitala, pli effizienta e pli movibla e collavura pli ferm sur las regiuns or. Esser francada en las regiuns, esser preschenta e damanaivel dal public – quai restan puncts centrals.
SRG SSR il 2024 cun in resultat annual equilibrà

Communicaziuns a las medias 10.04.2025

SRG SSR il 2024 cun in resultat annual equilibrà

La SRG SSR terminescha l'onn 2024 cun in resultat annual da 15,3 milliuns francs. Contribuì al resultat positiv han las entradas da la reclama ch'èn stadas – cuntrari a la tendenza a lunga vista e grazia a gronds eveniments da sport – pli autas ch'en in onn ordinari, sco era la cumpensaziun da chareschia sin la taxa da medias ch'è vegnida pajada per l'ultima giada cumplainamain. Ultra da quai cumenzan a far effect las mesiras da la SRG SSR per sbassar ils custs. Il diever dals cuntegns da la SRG SSR resta fitg aut e sa sposta pli e pli sin chanals digitals. Las sfidas futuras restan grondas. Perquai ha la SRG SSR lantschà in process da transfurmaziun en l'entira interpresa.

Actual 28.01.2025

Gronda solidaritad da la populaziun cun «2 x Nadal»

La populaziun svizra e numerusas interpresas sustegnan persunas pertutgadas da povradad en l’agen pajais ed a l’exteriur: per la 28avla ediziun da l’acziun «2 x Nadal» han ellas regalà 390 tonnas mangiativas e products d’igiena per distribuir en Svizra. Per projects dal Succurs d’enviern da la Crusch Cotschna Svizra (CCS) a l’exteriur han ellas fatg donaziuns da 222'000 francs. Cun quests daners pon passa 50'000 umans sa legrar d’ina distgargia en il mintgadi.
[Translate to Rätoromanisch:] Paket, Post, Päckli, 2 x Weihnachten

Actual 04.12.2024

Parter cun umans che han pauc

L'acziun da «2 x Nadal» ha lieu quest onn per la 28avla giada. Ella sustegna persunas pertutgadas da la povradad en Svizra ed a l'exteriur. Las donaziuns da mangiativas bain conservablas e da products d'igiena per il corp vegnan repartidas a persunas pertutgadas en Svizra. A l'exteriur vegnan sustegnids cun ils daners collectads projects da l'agid d'enviern.

Communicaziuns a las medias 13.11.2024

Barat e plurilinguitad tar la SRG SSR e Movetia

In sigl sur ils cunfins linguistics renda visibla la diversitad en Svizra e promova il medem mument la coesiun: durant la segunda emna da barat naziunala da Movetia, che ha lieu dals 18 fin ils 22 da november, s'inscuntran scolar:as da differentas regiuns linguisticas dal pajais. La SRG SSR sustegna l'occurrenza sco partenaria da medias e realisescha il medem mument in barat da moderaziun tranter las unitads d'interpresa.

Communicaziuns a las medias 04.11.2024

La SRG SSR lantscha ina transfurmaziun d’interpresa cumplessiva

Ses emprim di da lavur annunzia la directura generala da la SRG SSR Susanne Wille a las collavuraturas ed als collavuraturs il cumenzament d’ina transfurmaziun d’interpresa cumplessiva. Per incumbensa dal cussegl d’administraziun ed en collavuraziun cun il comité directiv lantscha ella in process da svilup quai che reguarda la strategia e l’organisaziun. Quel vegn ad esser nov per la SRG SSR areguard il proceder, la profunditad, la cumplexitad e l’urari.

Communicaziuns a las medias 11.09.2024

La SRG SSR metta la musica svizra en il center

A chaschun dal Di da la musica svizra che ha lieu venderdi, ils 13 da settember, dat la musica helvetica en il tun sin las undas da radio da la SRG SSR: durant 24 uras datti in ritg program cun intervistas, represchentaziuns live e transmissiuns da concerts directamain dal Festival da musica Label Suisse. Er en la televisiun, sin ils chanals digitals – surtut sin la plattafurma da musica da la SRG SSR mx3.ch – e sin Play Suisse stat la musica d'artistas e d'artists svizzers en il focus.

Communicaziuns a las medias 27.06.2024

La fin da l'onn metta la SRG SSR ord funcziun las undas ultracurtas

Tgi che taidla oz novitads, musica, las previsiuns da l'aura u las communicaziuns da traffic al radio, fa quai per gronda part sur la tecnologia da radio digitala DAB+ u sur l'internet (IP). En Svizra vegnan duvrads adina damain apparats d'undas ultracurtas (UKW/UUC). Ils 31 da december 2024 metta la SRG SSR perquai ord funcziun las antennas antiquadas.

Communicaziuns a las medias 19.06.2024

La SRG SSR beneventa la decisiun dal Cussegl federal da refusar l'iniziativa «200 francs bastan»

Il Cussegl federal ha transmess oz al parlament la missiva davart l'iniziativa «200 francs bastan». La SRG SSR beneventa la conferma da la decisiun dal Cussegl federal, prendida il november 2023, da refusar l'iniziativa «200 francs bastan». Sche quella vegniss approvada, avess quai numnadamain consequenzas considerablas per la purschida publicistica, ils programs e l'enragischaziun regiunala da la SRG SSR. Il medem mument ha il Cussegl federal decidì sco cuntramesira da sbassar en etappas la taxa da medias per las chasadas sin 300 francs fin il 2029 e da deliberar ulteriuras interpresas da la taxa da medias.