Cussegl d’administraziun

Il cussegl d'administraziun furma la suprastanza da l'uniun e maina a medem temp las fatschentas da la SSR.

Il cussegl d'administraziun da la SSR sa cumpona da nov commembers. Il cussegl d'administraziun furma la suprastanza da l'uniun e maina a medem temp las fatschentas da la SSR. Envers l'autoritad da concessiun ha el l'obligaziun da garantir che la SSR adempleschia las prescripziuns legalas e talas che pertutgan il dretg concessiunal.

Il cussegl d'administraziun nominescha in secretari central che na fa betg part dal cussegl d'administraziun.

Ils nov commembers dal cussegl d'administraziun fan part da la radunanza da delegads. Quella elegia il president ch'è a medem temp president dal cussegl d'administraziun e president da la radunanza da delegads. Il cussegl d'administraziun sa constituescha uschiglio sez ed elegia in u dus vicepresidents.

La revisiun interna sustegna il cussegl d'administraziun e sia cumissiun da finanzas e d'examinaziun d'exequir sia obligaziun da surveglianza e da controlla. Il directur general prenda per ordinari part a las sesidas dal cussegl d'administraziun cun dretg da proposta e cun vusch consultativa.

Ina perioda d'uffizi dal cussegl d'administraziun dura quatter onns. La perioda actuala dura enfin la fin dal 2019.

Gremi

Il cussegl d'administraziun nominescha ina

  • cumissiun da finanzas e d'examinaziun,
  • ina cumissiun dal persunal,
  • ina cumissiun d'investiziuns,
  • ina cumissiun transfurmaziun digitala,
  • ina cumissiun da transparenza ed
  • ina cumissiun SWI swissinfo.ch.

Il president da la SSR ed ils presidents da las societads regiunalas furman la gruppa da lavur dals presidents regiunals.