Vincent Augustin

Carriera

Vincent Augustin, dr. iur., lavura dapi la finiziun da ses studi ed ils praticums suandants sco advocat independent a Cuira. El represchenta oravant tut assicuranzas da malsauns e lur organisaziuns professiunalas. Vincent Augustin è stà dal 1987 fin il 2014 deputà en il Cussegl grond dal chantun Grischun per la PCD da lez temp. Dal 2004 fin il 2012 è el stà president da la Lia Rumantscha e dal 2013 fin il 2018 è el stà commember e president da l'Autoritad independenta da recurs davart radio e televisiun.

Mandats

Bergbahnen Disentis AG, Mustér (vicepresident dal cussegl d'administraziun); Catrina Holding AG, Mustér (vicepresident dal cussegl d'administraziun); Andermatt-Sedrun-Disentis Marketing AG, Andermatt (commember dal cussegl d'administraziun); Carnatira Janki SA, Rueun (commember dal cussegl d'administraziun); CSS, Lucerna (commember dal cussegl dals societaris); Fundaziun Pro Kloster Disentis, Mustér (president da la fundaziun); Santésuisse/Tarifsuisse AG, Soloturn (advocat); Fundaziun Baudenkmäler Regio Viamala, Valragn (president da la fundaziun); Fundaziun Romano ed Edith Derungs-Cordes, Cuira (president da la fundaziun).