Sabine Süsstrunk

Copyright: SRG SSR

Commembra dal cussegl d'administraziun da la SSR

en il cussegl d'administraziun dapi il 2018,

naschida il 1962 en Svizra

Carriera

Sabine Süsstrunk ha studegià a la Scola politecnica federala Losanna (SPFL), a la Scola politecnica federala (SPF) a Turitg ed al Rochester Institute of Technology (RIT) en ils Stadis Unids da l'America (USA). Ella ha fatg il doctorat en informatica a l'University of East Anglia en l'Engalterra. Silsuenter ha ella instruì dal 1991 fin il 1995 a la facultad da fotografia al RIT. Dal 1995 fin il 1999 è ella stada Principle Imaging Researcher tar la Corbis Corporation a Seattle en l'USA. Sabine Süsstrunk è dapi il 1999 professuressa ordinaria e directura da l'Image and Visual Representation Lab a la facultad per informatica e scienzas da communicaziun da la SPFL.

Mandats

Fondation EPFL-WISH (commembra dal cussegl da fundaziun); Largo Films SA, Ecublens (commembra dal cussegl d'administraziun, cussegliadra); Cussegl svizzer da la scienza, Berna (presidenta), Fundaziun svizra da studis, Turitg (commembra dal cussegl da fundaziun).