Iso Rechsteiner

Copyright: SRG SSR

Il secretari central da la SSR

dapi il 2022 (senza dretg da votar)

Carriera

Iso Rechsteiner ha studegià germanistica, teologia, scienzas da religiun cumparativas e publicistica a las universitads da Friburg, Minca e Turitg. En pli ha el absolvì il studi Senior Executive Program (SEP) a la London Business School. Pli tard ha el fatg in perfecziunament per schliar conflicts e far mediaziuns en interpresas a l'Universitad da Son Gagl (HSG). 

Suenter sia carriera schurnalistica è Iso Rechsteiner stà directur dal Schweizer Radio DRS dal 2009 fin il 2010, a partir dal 2011 è el stà Chief Communications Officer e Head of Public Affairs da la SSR. Dal 2015 fin il 2021 ha Iso Rechsteiner lavurà sco cussegliader independent surtut cun commembers da cussegls d'administraziun e cun persunal da cader sin il stgalim da schefs executivs operativs. Dal 2017 fin il 2021 è el stà participà a l'interpresa Kommunikationsplan AG sco partenari. 

Mandat 

Cooperativa Landi Goldach-Mörschwil, Goldach (commember ed actuar da l'administraziun).