Cooperaziuns

La SSR augmenta la derasaziun da ses cuntegns via cooperaziuns e rinforza era la plazza da medias svizra. Las prestaziuns da cooperaziun da la SSR èn u l'access a cuntegns u in sustegn finanzial direct.

La fanestra da televisiun naziunala dals editurs svizzers. La SSR metta a disposiziun temp d'emissiun a Presse TV per far in'atgna fanestra da program.

www.pressetv.ch

Derasaziun d'in program da satellit tudestg da ZDF, ARD, ORF e SSR. La SSR furnescha cun programs da cultura e prestaziuns redacziunalas var 10% dal program cumplet.

www.3sat.de

Chanal da televisiun cultural da l'Europa. La SSR sa participescha a coproducziuns.

www.arte.tv

La Fonoteca naziunala svizra ha l'incumbensa da rimnar e da render accessibels portatuns che han in cuntegn che sa referescha a l'istorgia ed a la cultura da la Svizra.

La SSR è tant commembra fundatura sco era commembra da la fundaziun da la Fonoteca naziunala svizra.

www.fonoteca.ch

La Chadaina da Fortuna è il bratsch caritativ da la SSR. Ella rimna daners en cas da catastrofas – chaschunadas da l'uman u da la natira – e sa participescha a la finanziaziun da programs d'agid dals partenaris da la Chadaina da Fortuna, las ovras d'agid svizras.

La SSR è tant commembra fundatura sco era commembra da la fundaziun da la Chadaina da Fortuna.

www.glueckskette.ch

Memoriav è in'uniun che duai mantegnair il bain cultural audiovisual da la Svizra. La SSR è tant commembra fundatura sco era commembra da la fundaziun da Memoriav.

www.memoriav.ch

Il Center da scolaziun da medias MAZ è la pli impurtanta scola da schurnalists da la Svizra tudestga. La SSR sustegna il MAZ mintg'onn cun 250 000 francs. Ultra da quai partan las collavuraturas ed ils collavuraturs da la SSR lur savida: las partiziuns da scolaziun da Schweizer Radio und Fernsehen realiseschan curs communabels cun il MAZ.

www.maz.ch

Ils emetturs da la SSR mettan a disposiziun a lur partenaris en ina cooperaziun da videos novitads actualas dals eveniments ils pli impurtants da la Svizra e da l'exteriur.

Partenadis da medias

La SSR promova cun ses partenadis da medias la producziun e la vita culturala en Svizra. La SSR sustegna surtut occurrenzas d'impurtanza naziunala. En las regiuns cumpletteschan ils emetturs da la SSR quest engaschi cun ulteriurs partenadis individuals.