Charta da la musica svizra

Cun la charta ans obligain nus d'emetter en noss programs da radio ina quota commensurada da producziuns da musica svizras. Sco musica svizra valan registraziuns u transmissiuns directas cun cumponist:as, interpret:as u producent:as da la Svizra, sco era registraziuns cun ina participaziun svizra considerabla. Nus surpassain per il solit las valurs directivas per la preschientscha da musica svizra che noss partenaris fixeschan mintg'onn (vesair la tabella).

Per promover la musica svizra er en vista ad in diever da medias midà, extendain nus nossas stentas era sin la televisiun ed ils portals online. Sin la plattafurma da streaming Play Suisse per exempel sa chatta, ultra dals partenadis cun il Montreux Jazz Festival e numerus concerts, var in tozzel films documentars davart la musica svizra e radund tschient registraziuns pli novas da tut ils stils d'artist:as e d'interpret:as da la Svizra.

In punct culminant han cuntanschì il 2021 las registraziuns da coproducziuns da concerts e d'audios/videos: la SSR ha realisà en total 613 registraziuns. Ulteriuras infurmaziuns davart la musica chatt'ins en il rapport da gestiun.