Il login SSR

Il login SSR As dat en futur access a las purschidas ed als servetschs da la SSR e da sias unitads d'interpresa (RSI, RTR, RTS, SRF, SWI) che dovran in conto d'utilisader. 

Il login SSR As pussibilitescha era da nizzegiar tschertas purschidas e tscherts servetschs davent da pajais da l'UE. I sa tracta da la funcziun «access da pajais da l'UE» che Vus pudais activar tenor giavisch per Voss conto d'utilisader. Cun questa funcziun pudais Vus nizzegiar la plattafurma da streaming Play Suisse en pajais da l'UE.

En il conto d'utilisader per il login SSR vegnan memorisadas Vossas configuraziuns da profil. Vus pudais administrar quellas là en in lieu. 

Il Login SSR è en Svizra e Principadi da Liechtenstein. Il Login SSR stat da princip a disposiziun a tut las persunas. 

Il login SSR As permetta d'utilisar las purschidas ed ils servetschs da la SSR e da sias unitads d'interpresa (RSI, RTR, RTS, SRF, SWI) che dovran in conto d'utilisader. 

In tal conto è necessari per metter a disposiziun als utilisaders offertas persunalisadas. Vus survegnis p.ex. la pussaivladad da sincronisar Vossas glistas da favurits persunalas u profitais da funcziuns sco «Guardar vinavant» u da recumandaziuns persunalisadas. 

In conto d'utilisader è era necessari, nua che purschidas e servetschs ordaifer la Svizra pon per motivs giuridics vegnir mess a disposiziun mo a persunas cun domicil en Svizra. Quai vala era per nossas purschidas e noss servetschs ordaifer la Svizra en pajais da l'UE.

Il Login SSR vegn gestiunà da la SSR. Tenor il dretg da protecziun da datas èn la SSR e sias unitads d'interpresa (RSI, RTR, RTS, SRF, SWI) responsablas cuminaivlamain. 

Per il Login SSR duvrain nus da Vus las suandantas datas per la registraziun: 

• adressa dad e-mail
• pled-clav

Ultra da quai dumandain nus Vossa lingua sur la purschida correspundenta u il servetsch respectiv da la SSR. I sa tracta da la lingua visualisada per registrar Voss conto d'utilisader.   

Il mument da la registraziun vegn creà in identificatur unic, in uschenumnà unique identifier (UID). Cun quest UID èn colliadas Vossa datas. 

Cura che Vus faschais diever da products e da servetschs da la SSR (p.ex. Play Suisse) e da sias unitads d'interpresa (RSI, RTR, RTS, SRF, SWI), utilisain nus Voss UID mintgamai per As identifitgar. 

Las datas endatadas da Vus vegnan da princip elavuradas mo per la registraziun e per metter a disposiziun il Login SSR. 

Sche Vus vulais abunar la newsletter, As dumandain nus la lubientscha d'utilisar Vossa adressa dad e-mail. 

Ulteriuras infurmaziuns davart l'elavuraziun da datas persunalas chattais Vus en nossa Decleraziun davart la protecziun da datas.

Il Conto collià As permetta d'utilisar las datas d'annunzia dal purschider da Voss Conto collià (p.ex. OneLog, Google, Facebook, Apple). 

Il Login SSR rimna las suandantas datas dal purschider da Voss Conto collià: 

• adressa dad e-mail

Sch'il purschider da Voss Conto collià n'ans dat nagina adressa dad e-mail, dumandain nus Vus directamain.  

Il Conto collià funcziuna cun agid d'in protocol d'autorisaziun, l'uschenumnà OAuth (Open Authorization). Cun quest protocol èsi tecnicamain pussaivel da s'annunziar via il Conto collià. 

Nus As vulain render attent a las ristgas pussaivlas colliadas cun il Conto collià:

• mintga giada che Vus As annunziais, rimna il purschider da Voss Conto collià datas davart Vus;
• sche terzas persunas nunautorisadas disponan da Vossas datas d'access, pon quellas medemamain s'annunziar cun il Login SSR.  

Vossa colliaziun cun il Conto collià stuais Vus deactivar sur il purschider da Voss Conto collià. Quai pudais Vus far regularmain en las configuraziuns (da la sfera privata) correspundentas, per OneLog: Account utente > Sicurezza / Benutzerkonto > Sicherheit. 

Sche Vus vulais deactivar la colliaziun cun il Conto collià u stizzar Voss conto per il Conto collià, resta Voss conto d'utilisader per il Login SSR vinavant activ. Vus na pudais dentant betg pli As annunziar cun Voss vegl Conto collià. 

Per survegnir access a Voss conto d'utilisader da login SSR ch'è vinavant existent, pudais Vus utilisar l'adressa dad e-mail ch'il purschider da Voss Conto collià ans ha dà u che Vus ans avais communitgà. 

• L'adressa dad e-mail chattais Vus er en Voss e-mail da bainvegni per il Login SSR. 
• Tscherni en la fanestra d'annunzia per il Login SSR l'opziun «Emblidà il pled-clav».
• Endatai Vossa adressa dad e-mail.
• Vus survegnis instrucziuns via e-mail per crear in nov pled-clav.

En cas da problems e dumondas pudais Vus era contactar il sustegn als utilisaders. Preparai Voss UID e l'adressa dad e-mail che Vus avais survegnì en l'e-mail da bainvegni per il Login SSR. 

Sche Vus vulais deactivar Vossa colliaziun cun il Conto collià u stizzar Voss conto per il Conto collià, resta Voss conto d'utilisader per il Login SSR vinavant activ. 

Per stizzar Voss conto d'utilisader per il Login SSR, stuais Vus far ils suandants pass: 

• As annunziai sco adina cun Voss conto d'utilisader per il Login SSR e stizzai Voss conto d'utilisader per il Login SSR via las configuraziuns da profil per il Login SSR (stizzar).  

Sche Vus avais gia deactivà Vossa colliaziun cun il Conto collià u stizzà Voss conto per il Conto collià, faschai ils suandants pass: 

• Per survegnir access a Voss conto d'utilisader anc activ pudais Vus dumandar in nov pled-clav via la fanestra d'annunzia per il Login SSR («Emblidà il pled-clav?»).
• Vus survegnis instrucziuns via e-mail per crear in nov pled-clav.
• As annunziai cun quest pled-clav en Voss conto d'utilisader per il Login SSR e stizzai Voss conto d'utilisader en las configuraziuns da profil per il Login SSR (stizzar). 

En cas da problems u dumondas pudais Vus gugent era contactar il sustegn als utilisaders​​​​​​​. Preparai Voss UID e l'adressa dad e-mail che Vus avais survegnì en l'e-mail da bainvegni per il Login SSR. 

Vus pudais activar l'access en Voss conto d'utilisader per il login SSR. 

Questa funcziun pudais Vus activar mo, sche Vus avais in domicil en Svizra. Per examinar quai duvrain nus las suandantas datas: 

• Voss numer da telefon mobil svizzer 
• il numer postal da Voss domicil svizzer 

Questas datas vegnan elavuradas mo cun Voss consentiment. Sche las datas èn vegnidas examinadas cun success, vegnan las infurmaziuns memorisadas en Voss conto d'utilisader per il login SSR. Las datas utilisadas per l'examinaziun (numer da telefon mobil, numer postal) vegnan silsuenter stizzadas.  

L'infurmaziun «domicil svizzer» vegn transmessa en furma d'in uschenumnà token (in code pli lung da cifras e bustabs) a la SSR (p.ex. per Play Suisse) ed a sias unitads d'interpresa (RSI, RTR, RTS, SRF, SWI) per activar l'access a las purschidas ed als servetschs disponibels en ils pajais da l'UE. 

Sur las configuraziuns da profil en Voss conto d'utilisader per il login SSR pudais Vus activar u deactivar sez/sezza ed a moda individuala l'access a las purschidas ed als servetschs davent da pajais da l'UE.   

En las configuraziuns da profil pudais Vus era deactivar dal tuttafatg l'access da pajais da l'UE. Sche Vus deactivais dal tuttafatg l'access ina giada activà, stuais Vus pli tard puspè activar quel. 

La dimensiun da las purschidas e dals servetschs che Vus pudais utilisar en ils pajais da l'UE dependa dal product correspundent e da ses cuntegns. 

Ulteriuras infurmaziuns davart l'elavuraziun da datas persunalas chattais Vus en nossa Decleraziun davart la protecziun da datas.

En las configuraziuns da profil pudais Vus midar l'adressa dad e-mail inditgada ed il pled-clav sco era la lingua per la communicaziun (newsletter, e-mails). Là pudais Vus er As deconnectar.  

Sche Vus duvrais singuls contos d'utilisader per products e servetschs, pudais Vus als administrar sur las configuraziuns da profil da Voss Login SSR (p.ex. stizzar ils contos d'utilisader).  

Sche Vus na vulais betg pli il Login SSR, pudais Vus stizzar Voss conto d'utilisader sur las configuraziuns da profil. 

Sch'il Login SSR As permetta da «restar annunzià», plazzain nus en Voss navigatur in cookie per questa funcziun. I sa tracta d'in uschenumnà First Party Cookie da la SSR ch'è tecnicamain necessari per porscher questa funcziun. 

Sche Vus stizzais ils cookies en Voss navigatur, n'As enconuscha il Login SSR betg pli automaticamain. Vus stuais damai As annunziar da nov. 

Ulteriuras infurmaziuns davart ils cookies chattais Vus en nossa Decleraziun davart la protecziun da datas.

Sch'il Login SSR As permetta da «restar annunzià», vul quai dir che Vus na stuais betg As annunziar mintga giada da nov. 

Il Login SSR As enconuscha automaticamain. Per pudair porscher questa funcziun creain ed utilisain nus in cookie en Voss navigatur. 

Sche Vus na duvrais sur in temp pli lung betg il Login SSR (p.ex. in mais), vegnis Vus deconnectà/-ada automaticamain. Vus stuais alura As annunziar danovamain ed activar la funcziun «restar annunzià». 

Quai vala era, sche Vus stizzais ils cookies en Voss navigatur. Il Login SSR n'As enconuscha alura betg pli automaticamain. Vus stuais damai As annunziar da nov. 

Ulteriuras infurmaziuns davart ils cookies chattais Vus en nossa Decleraziun davart la protecziun da datas.

La SSR rimna datas da diagnosa per pudair garantir la stabilitad e la fidadadad dal Login SSR. Cura che Vus utilisais il Login SSR, creescha ella logs d'audit che vegnan memorisads en Microsoft Azure. Els n'èn dentant betg directamain accessibels a Microsoft. 

Vossas datas vegnan utilisadas sulettamain en il rom da la SSR e da sias unitads d'interpresa (RSI, RTR, RTS, SRF, SWI). Da quellas fa part er il sustegn als utilisaders. 

Microsoft Azure, AdNovum Informatik AG sco era la sociedad affiliada SWISS TXT AG survegnan datas en sia funcziun sco elavuraturs da datas. Las societads dovran questas datas per metter a disposiziun l'infrastructura dal Login SSR sco er per evitar sbalgs.

Nus memorisain Vossas datas mo uschè ditg sco che nus las duvrain per metter a disposiziun il Login SSR u uschè ditg sco ch'igl è permess tenor la lescha. 

En las configuraziuns da profil pudais Vus stizzar sez/za Vossas datas respectivamain Voss conto d'utilisader. 

En cas da problems e dumondas pudais Vus era contactar il sustegn als utilisaders​​​​​​​. 

Ulteriuras infurmaziuns davart la pussaivladad da stizzar Vossas datas chattais Vus en nossa Decleraziun davart la protecziun da datas. 

L'elavuraziun da las datas da Voss conto d'utilisader per il login SSR sa basa sin Voss consentiment. 

Sche Vus stizzais Voss conto d'utilisader u dumandais da stizzar el, vul quai dir che Vus revocais Voss consentiment. 

En connex cun ils servetschs tecnics mess a disposiziun vegnan las datas elavuradas sin basa da noss interess privat predominant resp. noss interess giustifitgà. 

Ulteriuras infurmaziuns en connex cun il dretg da protecziun da datas (tranter auter davart Voss dretgs da la persuna pertutgada) chattais Vus en nossa Decleraziun davart la protecziun da datas. 

Ulteriuras infurmaziuns en connex cun il dretg da protecziun da datas (tranter auter davart Voss dretgs da la persuna pertutgada) chattais Vus en nossa Decleraziun davart la protecziun da datas.

Gugent ans pudais Vus era trametter in e-mail a la suandanta adressa: support.login(at)srgssr.ch.

«dialog» è ina purschida digitala dalla SRG SSR. Ella consista dals elements suandants:

1. in’applicaziun digitala, sin la quala vegnan purschids pachets da cuntegns davart ils temas impurtants dal temp preschent. Quai tenor il motto «Best of SRG». Quests pachets vegnan publitgads sin las plattafurmas d’infurmaziun digitalas da RSI, RTR, RTS, SRF e SWI. Tut ils cuntegns èn translatads en la lingua respectiva da las tschintg unitads d’interpresa da la SRG SSR;
2. in instrument digital interactiv, en il qual las utilisadras ed ils utilisaders pon vegnir a savair, nua ch'ellas ed els stattan (cumpareglià cun l'entira populaziun) ;
3. in instrument da debattas cun il qual persunas da tut las regiuns linguisticas da la Svizra sco er las Svizras ed ils Svizzers a l'exteriur pon barattar lur opiniuns davart ils temas impurtants dal preschent.

«dialog» stat a disposiziun a tuttas ed a tuts. La purschida digitala ha in focus sin persunas en tut las quatter regiuns linguisticas da la Svizra sco er sin las Svizras ed ils Svizzers a l’exteriur.

«dialog» vul far ina punt tranter las regiuns linguisticas e culturalas e porscher agid d’orientaziun al public. «dialog» pussibiliteschaI a persunas en tut las quatter regiuns linguisticas da la Svizra sco er Svizras e Svizzers a l’exteriur da sa colliar, da barattar lur vistas senza barrieras linguisticas e d’emprender d’enconuscher meglier las differentas perspectivas da las differentas parts da la Svizra.

«dialog» vegn gestiunà da la SRG SSR. Tenor il dretg da protecziun da datas è la SRG SSR responsabla. 

Per pudair far diever da nossa purschida stuais Vus far in conto d’utilisadra u d’utilisader tar «dialog». La premissa per quai è che Vus possedais in logo da la SSR.  

Cun la registraziun vegn l’identificaziun evidenta («unique identier», UID) da Voss conto d’utilisader da la SSR deponì en Voss conto d’utilisadra e d’utilisader «dialog». Uschia po «dialog» puspè renconuscher Vus, sche Vus visitais Voss conto d’utilisadra u d’utilisader.

Per sa participar a debattas dovra «dialog» las suandantas indicaziuns da Vus:

• adressa dad e-mail
• pled-clav
• num (preferenzas da conto)

La tscherna da la lingua succeda automaticamain tenor la regiun linguistica, da la quala Vus As registrais. 

Ulteriuras infurmaziuns davart l'elavuraziun da datas persunalas chattais Vus en nossa Decleraziun davart la protecziun da datas.

«dialog» na dovra nagins cookies.

Vossas datas vegnan duvradas mo en il rom da la SRG SSR e da sias unitads d’interpresa (RSI, RTR, RTS, SRF, SWI). Latiers tutga er il support da las utilisadras e dals utilisaders.

Sco elavuratura da datas incumbensada survegn la LOGORA SA, 31 avenue Théophile Gautier, 75016 Paris, immatriculée au Registre du Commerce et des Sociétés de Paris Vossas datas per metter a disposiziun il servetsch «dialog».  

Ulteriuras infurmaziuns davart l'elavuraziun da datas persunalas chattais Vus en nossa Decleraziun davart la protecziun da datas.

Via las preferenzas pudais Vus sezs stizzar Voss conto d'utilisadra u d'utilisader.  

Gugent pudais Vus er sa drizzar a noss servetsch da clientella en cas da problems e da dumondas: dialog.contact(at)srg-ssr.ch.

Ulteriuras infurmaziuns davart il stizzar da Vossas datas chattais Vus Vus en nossa Decleraziun davart la protecziun da datas.

L'elavuraziun da datas per Voss conto d'utilisadras e d'utilisaders «dialog» succeda sin basa da Voss consentiment.  

Sche Vus stizzais Voss conto d'utilisadra u d'utilisader u dumandais in'annullaziun, vegn quai valità sco revocaziun da Voss consentiment.  

En las preferenzas dal profil da Voss login SRG SSR pudais Vus sezs stizzar Voss conto d'utilisadra u d'utilisader «dialog».  

Quai che pertutga il metter a disposiziun tecnic vegn l'elavuraziun da datas fatga sin basa da noss interess giustifitgà predominant. 

Ulteriuras infurmaziuns davart il dretg da protecziun da datas (tranter auter davart Voss dretgs da persunas pertutgadas) chattais Vus en nossa Decleraziun davart la protecziun da datas.

Ulteriuras infurmaziuns davart il dretg da protecziun da datas (tranter auter davart Voss dretgs da persunas pertutgadas) chattais Vus en nossa Decleraziun davart protecziun da datas.

Gugent pudais Vus er trametter a nus in e-mail a la suandanta adressa: protecziun.datas(at)rtr.ch.

Play Suisse è la plattafurma da streaming da la SSR. 

La plattafurma da streaming As porscha cuntegns da tut las regiuns linguisticas. Plinavant metta ella a disposiziun ina selecziun curatada da producziuns e da coproducziuns da las unitads d'interpresa da la SSR (RSI, RTR, RTS, SRF, SWI) sco films, serias, documentaziuns, reportaschas e perlas da l'archiv. Vus pudais scuvrir ils cuntegns senza barrieras linguisticas: tut las contribuziuns èn disponiblas en la lingua originala cun suttitels. 

Ultra da quai As porscha la plattafurma da streaming differentas funcziuns sco «Guardar vinavant» e «Mia glista». 

Plinavant datti anc servetschs persunalisads. Quels cumpiglian recumandaziuns da cuntegns per Vus e resultats da tschertgar individuals.  

Ils servetschs da la plattafurma Play Suisse èn disponibels en Svizra e Principadi da Liechtenstein e stattan da princip a disposiziun a tut las persunas.

Play Suisse è ina plattafurma da streaming cun servetschs persunalisads. 

Sco plattafurma da streaming cun servetschs persunalisads As porscha Play Suisse cuntegns selecziunads da tut las unitads d'interpresa da la SSR (RSI, RTR, RTS, SRF, SWI). 

Ils servetschs persunalisads cumpiglian recumandaziuns persunalisadas e resultats da tschertgar individuals. 

Sche Vus vulais renunziar a quests servetschs persunalisads, pudais Vus giudair il cuntegn da tut temp sur la purschida Play da las unitads d'interpresa da la SSR. 

Play Suisse è ina purschida da la SSR. En connex cun il dretg da protecziun da datas è responsabla la SSR. Quai vala surtut per l'elavuraziun da datas per porscher ils servetschs persunalisads. 

Per pudair nizzegiar nossa purschida stuais Vus crear in conto d'utilisader per Play Suisse. La premissa è che Vus disponias d'in Login SSR. 

Cun la registraziun vegn creà en Voss conto d'utilisader per Play Suisse in identificatur unic («unique identifier», UID) da Voss conto d'utilisader per il Login SSR. Cun agid da quel As enconuscha Play Suisse, cura che Vus avris Voss conto d'utilisader. 

Il conto d'utilisader da Play Suisse è necessari per As metter a disposiziun servetschs persunalisads che sa basan sin Vossas preferientschas.  

Per ils servetschs persunalisads, quai vul dir per las recumandaziuns persunalas ed ils resultats da tschertgar individuals elavurain nus las suandantas datas: 

• UID dal Login SSR per Voss conto d'utilisader 
• configuraziun da la lingua da Voss conto d'utilisader 
• datas davart la versiun da Voss navigatur d'Internet (p.ex. Chrome, Safari, Mozilla Firefox, Edge)
• caracteristicas da Voss apparat da reproducziun e da la software da quel (tip e configuraziun: Android, iPhone, sistem operativ)
• datas d'utilisaziun da Vossas dumondas da tschertgar (l'UID dal cuntegn, las uras) 
• datas d'utilisaziun dals videos che Vus avais guardà (l'UID dal cuntegn, il gener d'eveniment, las uras)
• datas d'utilisaziun da Voss apparat final (il gener d'eveniment (cumenzar, interrumper, serrar), las uras)
• l'istorgia da las datas d'utilisaziun dals videos che Vus avais guardà (l'UID dal cuntegn, il gener da l'eveniment, las uras)

Tge èn datas d'utilisaziun? 

Datas d'utilisaziun èn datas che sa refereschan directamain a Vus sco persuna e che sa resultan da Vossa interacziun cun la plattafurma da streaming. 

Pertge duvrain nus las datas d'utilisaziun? 

Nus duvrain las datas d'utilisaziun per As porscher recumandaziuns persunalisadas e resultats da tschertgar individuals. Questas datas d'utilisaziun vegnan duvradas per crear in algoritmus. Quest algoritmus calculescha questas recumandaziuns ed ils resultats da tschertgar. 

Ditg pli simpel èn las datas d'utilisaziun necessarias, per che Play Suisse As possia proponer cuntegns relevants per Vus. 

Sche Vus abunais ina newsletter, As dumandain nus il consentiment da duvrar Vossa adressa dad e-mail. 

Ulteriuras infurmaziuns davart l'elavuraziun da datas persunalas chattais Vus en nossa Decleraziun davart la protecziun da datas.

El As porscha las suandantas funcziuns 

• Access als cuntegns independentamain dal lieu e dal temp: Entaifer la Svizra e Principadi da Liechtenstein avais Vus da tut temp e dapertut access a noss cuntegns. 
• «Guardar vinavant»: Vus pudais laschar memorisar fin nua che Vus avais guardà ils cuntegns, per che Vus possias cuntinuar la proxima giada en il lieu, nua che Vus avais chalà l'ultima giada. 
• «Mia glista»: Cuntegns che Vus vulais guardar, pudais Vus agiuntar a Vossa glista persunala. 
• Sincronisaziun da tut ils apparats: Grazia al conto d'utilisader profitais Vus d'ina sincronisaziun da tut ils apparats. Vus pudais damai guardar vinavant Voss cuntegns ed era consultar Vossa glista persunala sin tut Voss apparats.

Cuntrari a las funcziuns porschan ils servetschs persunalisads da Play Suisse plinavant: 

• recumandaziuns da cuntegns persunalisadas 
• resultats da tschertgar individuals 

Per As porscher quests servetschs dovra Play Suisse Vossas datas d'utilisaziun. Questas datas vegnan duvradas per crear in algoritmus. Quest algoritmus calculescha Vossas recumandaziuns persunalas ed ils resultats da tschertgar individuals. 

Per elavurar Vossas datas d'utilisaziun cun l'intent d'As porscher servetschs persunalisads, dumandain nus Voss consentiment. Quel pudais Vus revocar da tut temp en las configuraziuns da profil da Voss Login SSR (vesair las configuraziuns da Play Suisse). Uschia vegn stizzà a medem temp era Voss conto d'utilisader da Play Suisse.  

Sche Vus vulais renunziar a quests servetschs da Play Suisse persunalisads, pudais Vus giudair il cuntegn sur la purschida Play da las unitads d'interpresa da la SSR (RSI, RTR, RTS, SRF). 

La newsletter As tegna al current davart la purschida da Play Suisse. Quella cumpiglia tranter auter films, serias, documentaziuns, reportaschas e perlas da l'archiv disponiblas da nov via Play Suisse. 

Sche Vus abunais ina newsletter, As dumandain nus il consentiment da duvrar Vossa adressa dad e-mail. 

La newsletter pudais Vus dir giu via las configuraziuns da profil da Voss Login SSR (vesair configuraziun da Play Suisse) u via ina colliaziun da disditga en l'e-mail. En cas da difficultads pudais Vus gugent era contactar noss sustegn als utilisaders. 

Tecnicamain dovra l'app da Play Suisse las suandantas autorisaziuns d'access: 

• connexiuns a la rait: autoriseschan l'app d'enconuscher las colliaziuns d'internet disponiblas per sa colliar cun Play Suisse. 
• internet: autorisescha l'app da communitgar via l'internet cun Play Suisse.
• «wake lock»: autorisescha l'app da diriger la prestaziun dal processur. Quai è necessari per che l'app possia reproducir il meglier pussaivel ils cuntegns da Play Suisse.  

Sche Vus activais en Play Suisse l'opziun «restar annunzià», plazzain nus in cookie en Voss navigatur. I sa tracta d'in uschenumnà First Party Cookie da Play Suisse ch'è tecnicamain necessari per porscher questa funcziun.  

Sche Vus stizzais ils cookies en Voss navigatur, n'As enconuscha Play Suisse betg pli automaticamain. Alura stuais Vus As annunziar da nov cun il Login SSR. 

Ultra da quai utilisescha Play Suisse cookies per As pussibilitar da far glistas («Mia glista», «Guardar vinavant»). Il cuntegn da Vossas glistas vegn memorisà da Play Suisse sin servers. Era qua sa tracti d'in uschenumnà First Party Cookie da Play Suisse ch'è tecnicamain necessari. 

Ulteriuras infurmaziuns davart ils cookies chattais Vus en nossa Decleraziun davart la protecziun da datas.

Cura che Vus As registrais per Play Suisse, arcunain nus Voss dretgs en l'arcun local da Voss navigatur. Cura che Vus utilisais Play Suisse pli tard, na stuais Vus betg As connectar puspè. Sche Vus n'utilisais Play Suisse betg per in temp pli lung, vegnis Vus deconnectà automaticamain.

Tschertas configuraziuns da navigaturs e dad add-ons pudessan chaschunar conflicts cun noss sistem da login ed u impedir Vossa connexiun u As deconnectar mintga giada che Vus bandunais la pagina-web. Per mantegnair la connexiun stuais Vus far la segira che Voss navigatur na stizzia betg il cache ed ils cookies suenter che la pagina-web vegn bandunada ed il navigatur vegn serrà. Sche Vus faschais diever dad ad-blockers u auters plug-ins en Voss navigatur, empruvai da deactivar quels per schliar il problem.

Sche Vus vegnis deconnectà memia savens da Play Suisse malgrà che Voss navigatur è configurà endretg, contactai p.pl. nossa squadra da support.

Tip per proteger Vossas datas: Sche autras persunas han access al navigatur-web (p.ex. chombra d'hotel, cuminanzas d'abitar), As recumandain nus da renunziar a l'opziun «restar annunzià» per proteger Vossa sfera privata e d'As deconnectar mintgamai activamain.  

Ulteriuras infurmaziuns davart ils cookies chattais Vus en nossa Decleraziun davart la protecziun da datas.

Sche Vus duvrais l'app da Play Suisse sin in da Voss apparats finals mobils (p.ex. tablet u smartphone), na stuais Vus betg activar l'opziun «restar annunzià». Vus restais annunzià/-ada, fin che Vus As deconnectais activamain. 

Tip per proteger Vossas datas: Sche autras persunas han access a Voss apparat final mobil, As recumandain nus d'As deconnectar suenter mintga utilisaziun per proteger Vossa sfera privata.

Sche Vus duvrais l'app da Play Suisse per Vossa televisiun intelligenta, na stuais Vus betg activar l'opziun «restar annunzià». Vus restais annunzià/-ada, fin che Vus As deconnectais activamain.  

Tip per proteger Vossas datas: Sche autras persunas han access a Vossa televisiun intelligenta, As recumandain nus d'As deconnectar suenter mintga utilisaziun per proteger Vossa sfera privata. 

Sche Vus As registrais en l'app da Play Suisse TV per Swisscom blue TV, utilisais Vus Vossa adressa dad e-mail dal login da Swisscom per survegnir in conto per il Login SSR.

Vus pudais utilisar vinavant quest conto dal Login SSR per Play Suisse sin auters apparats u per auters products e servetschs da la SRG SSR.

Vus stuais guardar Voss e-mails e definir in pled-clav cun ina da las opziuns suandantas (mo ina gia):

• tscherner la colliaziun «Definir il pled-clav» en l'e-mail «Definir il pled-clav dal Login SSR» che Vus avais retschavì
• tscherner en la fanestra dal  Login SSR «Emblidà il pled-clav?».

L'app da Play Suisse na rimna naginas datas da diagnosa. Sche Vus lubis a Voss sistem operativ da rimnar datas d'utilisaziun e da diagnosa, survegnin nus dal purschider da Voss sistem operativ datas da diagnosa en furma agregada. Quai ans gida a meglierar cuntinuadamain noss'app.

Nus utilisain Vossa datas mo per metter a disposiziun Play Suisse. Quai cumpiglia er il sustegn als utilisaders da Play Suisse. 

Ils servetschs d'elavuraziun da datas Microsoft Azure ed Amazon Web Services (AWS) survegnan Vossas datas per metter a disposiziun Play Suisse.  

Per motivs giuridics pudais Vus guardar Play Suisse da princip mo en Svizra u en il Principadi da Liechtenstein. Questa limitaziun geografica numn'ins geoblocking.  

Per geobloccar il servetsch èsi tecnicamain necessari d'eruir Vossa adressa IP e Voss domicil (Svizra, exteriur). Sche Vus avris Play Suisse da l'exteriur, cumpara in'infurmaziun correspundenta e l'access als cuntegns da streaming vegn bloccà. 

Sche Vus avais in domicil svizzer, pudais Vus guardar Play Suisse er en pajais da l'UE. Vus stuais dentant l'emprim activar quest access. Sche Vus essas a l'exteriur, As renda Play Suisse attent a l'activaziun. Vus pudais dentant er activar sez/sezza l'access en Voss conto d'utilisader per il login SSR. 

Cun activar l'access da l'exteriur vegn memorisada en Voss login SSR l'infurmaziun che Vus avais in domicil svizzer. Questa infurmaziun vegn transmessa a Play Suisse en furma d'in token. Quest token è tecnicamain necessari per Play Suisse per deactivar il geoblocking en pajais da l'UE. In tal token da Play Suisse ha ina durada da vita d'in di. Silsuenter sto Play Suisse dumandar in nov token. 

Sche Vus deactivais en Vossas configuraziuns da profil da Voss login SSR dal tuttafatg l'access per pajais da l'UE, na pudais Vus betg guardar Play Suisse en pajais da l'UE.

Nus memorisain Vossas datas mo uschè ditg che nus las duvrain per metter a disposiziun Voss conto d'utilisader da Play Suisse u uschè ditg sco ch'igl è permess tenor la lescha. 

En las configuraziuns da profil da Voss Login SSR (vesair las configuraziuns da Play Suisse) pudais Vus stizzar sez/za Vossas datas resp. Voss conto d'utilisader per Play Suisse. 

Vossas datas en connex cun las funcziuns ed ils servetschs persunalisads mess a disposiziun da Play Suisse vegnan stizzadas. Quest process na po betg vegnir revocà. 

En cas da problems e dumondas pudais Vus gugent contactar noss sustegn als utilisaders da Play Suisse. 

Ulteriuras infurmaziuns davart las pussaivladads da stizzar Vossas datas chattais Vus en nossa Decleraziun davart la protecziun da datas.  

L'elavuraziun da las datas per Voss conto d'utilisader da Play Suisse sa basa sin Voss consentiment. 

Sche Vus stizzais Voss conto d'utilisader u dumandais da stizzar el, vul quai dir che Vus revocais Voss consentiment. 

En las configuraziuns da profil da Voss login SSR (vesair las configuraziuns da Play Suisse) pudais Vus stizzar sez/za Voss conto d'utilisader da Play Suisse. 

En connex cun ils servetschs tecnics mess a disposiziun vegnan las datas elavuradas sin basa da noss interess privat predominant resp. noss interess giustifitgà. 

Ulteriuras infurmaziuns en connex cun il dretg da protecziun da datas (tranter auter davart Voss dretgs da la persuna pertutgada) chattais Vus en nossa Decleraziun davart la protecziun da datas.

Ulteriuras infurmaziuns davart il dretg da protecziun da datas (tranter auter da Voss dretgs da la persuna pertutgada) chattais Vus en nossa Decleraziun davart la protecziun da datas.

Gugent pudais Vus era trametter in e-mail a la suandanta adressa: support(at)playsuisse.ch.

Testai Vossa cumpetenza da sport ed As mesirai sulet u cun auters participants d'ina gruppa da tippar.

Vus pudais far part da gruppas da tippar existentas u crear sez ina gruppa da tippar per Vus e Voss amis.

Tippar para d'esser pli simpel che quai ch'igl è vairamain. Igl è bain in pau ina dumonda da fortuna, ma vis sur l'entira stagiun èn per il solit a la testa quels tippaders cun la pli gronda cumpetenza.

Persunas cun domicil en Svizra ed a l'exteriur han il dretg da participar al gieu da tippar ed a la surdada dals premis.

Persunas minorennas pon participar al gieu mo cun il consentiment dals represchentants legals.

Il conto d'utilisader per il gieu da tippar dat a Vus la pussaivladad da testar Vossa cumpetenza da sport ed As mesirar sulet u cun auters participants d'ina gruppa da tippar.

Il conto d'utilisader permetta a Vus da gudagnar premis, sche Vus tippais endretg.

Las unitads d'interpresa respectivas (RTS, SRF, RSI, RTR) mettan mintgamai a disposiziun il gieu da tippar. Ellas èn il medem mument era responsablas per il dretg davart la protecziun da datas.

Per pudair As participar al gieu da tippar stuais Vus crear in conto d'utilisader per gieus da tippar. La premissa per crear in conto è in login SSR. 
Cun As registrar vegn collià l'identificatur unic («unique identifier», UID) da Voss conto d'utilisader per il login SSR cun Voss conto d'utilisader per gieus da tippar. A maun da l'UID reconuscha il gieu da tippar Vus, cura che Vus As connectais cun Voss conto d'utilisader. Per pudair As participar a gruppas da tippar e per la glista da rangaziun basegna il gieu da tippar las suandantas indicaziuns da Vus: 
•    prenum
•    num

Las datas che Vus avais registrà vegnan duvradas per ils suandants intents:
•    preschentar la glista da rangaziun
•    offrir ed administrar gruppas da tippar
•    surdar ils premis
•    adressar ils destinaturs dad e-mails da pro memoria (vesair "purschidas opziunalas")
En Voss profil pudais Vus tscherner l'opziun da mussar en la glista da rangaziun mo in'abreviaziun da Voss num.

E-mails da pro memoria: 
•    Sche Vus vulais survegnir avant in gieu in pro memoria dals tips pendents, stuais Vus dar a nus il consentiment da duvrar Vossa adressa dad e-mail. 
•    Ils e-mails da pro memoria pudais Vus annullar en las configuraziuns da conto da Voss profil per gieus da tippar ubain via ina colliaziun d'annullaziun che Vus chattais en l'e-mail da pro memoria.

Ulteriuras infurmaziuns davart l'elavuraziun da datas persunalas chattais Vus en nossa Decleraziun davart la protecziun da datas.
 

Las datas che Vus endatais duvrain nus sulettamain per crear Voss conto d'utilisader, per metter a disposiziun il gieu da tippar (gruppas da tippar, glista da rangaziun), per trametter e-mails da regurdientscha persunals e per surdar ils premis.

Gruppas da tippar: En las gruppas da tippar cumpara Voss surnum.

Glista da rangaziun: En la glista da rangaziun ves'ins Voss num e prenum.

E-mails da regurdientscha: En ils e-mails da regurdientscha pledentain nus Vus cun Voss num e prenum.

Surdada dals premis: Cunquai ch'i sa tracta tar la surdada dals premis d'ina concurrenza, duvrain nus Vossas datas da contact.

Per il gieu da tippar vegnan registradas datas da diagnosa per pudair garantir la stabilitad e la segirtad. Cun utilisar il gieu da tippar vegnan creads audit logs.

Las unitads d'interpresa (RTS, SRF, RTR, RSI) rimnan datas da diagnosa per pudair garantir la stabilitad e segirtad dal gieu da tippar.

Cun utilisar il gieu da tippar vegnan creads audit logs. Quels memorisescha silsuenter la Neopoly GmbH.

Vossas datas vegnan utilisadas exclusivamain en il rom da las unitads d'interpresa (RSI, RTR, RTS, SRF) che cumpiglian er il sustegn als utilisaders.

Sco redactura dal gieu obtegna la Neopoly GmbH Vossas datas per pudair porscher il gieu da tippar.

Nus memorisain Vossas datas mo uschè ditg sco ch'igl è necessari per pudair porscher il gieu da tippar ubain uschè ditg sco ch'igl è previs legalmain. (surdada dals premis)

Sut las configuraziuns da «Mes conto» en il gieu da tippar pudais Vus stizzar sez Voss conto d'utilisader.

Vus pudais era stizzar Voss conto d'utilisader dal gieu da tippar en il profil da Voss Login SSR. (configuraziuns dal SRF Tippspiel)

En cas da dumondas u problems pudais Vus gugent er As drizzar a noss sustegn als utilisaders.

Ulteriuras infurmaziuns co stizzar Vossas datas chattais Vus en nossa Decleraziun davart la protecziun da datas. 

Las datas necessarias per Voss conto d'utilisader per il gieu da tippar vegnan elavuradas sin fundament da Voss consentiment (crear il conto d'utilisader) e per pudair ademplir in contract (surdada dals premis).

Sche Vus stizzais Voss conto d'utilisader u sche Vus pretendais da laschar stizzar Voss conto, valitain nus quai sco revocaziun da Voss consentiment.

En connex cun ils servetschs tecnics mess a disposiziun vegnan las datas elavuradas sin basa da noss interess privat predominant resp. noss interess giustifitgà. 

Ulteriuras infurmaziuns areguard il dretg davart la protecziun da datas, tranter auter en connex cun Voss dretgs sco persuna pertutgada, chattais Vus en nossa Decleraziun davart la protecziun da datas.

Ulteriuras infurmaziuns areguard il dretg davart la protecziun da datas, tranter auter en connex cun Voss dretgs sco persuna pertutgada, chattais Vus en nossa Decleraziun davart la protecziun da datas.

Gugent pudais Vus er ans trametter in e-mail a la suandanta adressa: datenschutz(at)srf.ch.