Susanne Wille

Carriera professiunala

Susanne Wille è dapi il november 2024 directura generala da la SRG SSR. En questa funcziun è ella responsabla per la transfurmaziun strategica ed organisatorica da l'interpresa en in temp da midadas profundas da l'utilisaziun da las medias e da svilups tecnologics. Cun il program da transfurmaziun «Enavant» che pertutga l'entira interpresa concepescha ella il svilup ulteriur da la SRG SSR ad in'interpresa da service public digitala, interdisciplinara ed orientada a l'avegnir e garantescha uschia sia relevanza e persistenza a lunga vista. 

Avant sia plazza actuala ha Susanne Wille surpiglià tar SRF responsabladad directiva per la transfurmaziun digitala dal newsroom, ha manà la cumissiun da qualitad e direcziun ed ha marcà sco commembra dal team central il process da svilup strategic ed organisatoric «SRF2024». Il zercladur 2020 è ella daventada commembra dal comité directiv da SRF e manadra da la partiziun cultura da SRF. Il medem onn è Susanne Wille vegnida tschernida sco vicedirectura da SRF e commembra da direcziun da 3sat, l'emettur cuminaivel da SRG SSR, ARD, ZDF ed ORF.  

Avant ha Susanne Wille lavurà en differentas funcziuns schurnalisticas e publicisticas. Sco reportra, moderatura e correspundenta politica ha ella rapportà durant blers onns da svilups politics naziunals ed internaziunals e marcà emissiuns d'infurmaziun impurtantas da la Televisiun svizra. 

Susanne Wille ha absolvì furmaziuns supplementaras en strategia digitala e management da midaments a la Harvard Business School ed al MIT Sloan, sco er in Executive MBA a l'IMD a Losanna. Ella cumbinescha direcziun strategica e digitala en in ambient politic, social ed economic cumplex cun vasta experientscha publicistica. 

Mandats

Swiss Media Forum (cussegl d'administraziun); Fundaziun da medias Civis (commembra dal curatori)

A partir da l'october 2026 fa Susanne Wille ultra da quai part da l'Executive Board da l'Uniun europeica da radio e televisiun (UER).