In maletg da la Svizra

La SSR è ina chasa da medias publica ed independenta che realisescha in service public multimedial en tut las parts da la Svizra ed en tut las linguas naziunalas. La SSR è er in'uniun e qua tras francada fermamain en la societad.

La SSR furnescha a l'entira populaziun da la Svizra ina purschida attractiva e multifara da tv, radio ed online en las spartas infurmaziun, cultura, furmaziun, divertiment e sport. La purschida promova la furmaziun da l'opiniun e la diversitad da las opiniuns en Svizra e fa in servetsch impurtant per la societad.

La Lescha federala davart radio e televisiun (LRTV) e la concessiun dal Cussegl federal obligheschan la SSR d'ademplir sia incumbensa da service public en favur da la societad.

La SSR sa finanziescha per trais quarts via las taxas da recepziun e per in quart cun las reclamas. Grazia a quest model da finanziaziun è ella independenta da gruppas d'interess politicas ed economicas. Ella po perquai era producir cuntegns che na fissan betg finanziabels via il martgà.

Nus represchentain sco nagin auter in maletg da la Svizra. La SSR è:

  • La SSR è preschenta en tut las parts da la Svizra e creescha sco suletta interpresa da medias cuntegns audiovisuals en tut las linguas naziunalas.
  • La SSR sa finanziescha per 75 pertschient cun ils daners da taxas ed è uschia politicamain e finanzialmain independenta.
  • In'uniun federalistica averta per in e scadin porta la SSR cun 24 000 commembers.
  • La SSR ademplescha in'incumbensa ed agescha en il rom da la lescha da radio e televisiun (LRTV) e d'ina concessiun dal Cussegl federal.
  • La SSR garantescha la solidaritad federala cun transferir las entradas da taxas per pudair porscher dapertut il program equivalent. (grafica transferiment)
  • La SSR producescha cuntegns spezialmain per umans cun ina biografia da migraziun, per persunas cun impediments dals senns, per giuvenils e schizunt per persunas che vivan a l'exteriur.
  • Ultra da quai sa gida ella en cas da crisas e catastrofas umanitaras en Svizra ed a l'exteriur.
  • Ils emetturs da la SSR furneschan a l'entira populaziun purschidas attractivas da radio, tv ed online en las spartas infurmaziun, cultura, furmaziun, divertiment e sport.
  • La SSR è in'impurtanta pitga per la cultura svizra.
  • Ils programs da radio e televisiun da la SSR cuntanschan mintg'emna 94 pertschient da la populaziun svizra.
  • La SSR persvada grazia a la qualitad e la credibilitad, quai demussan retschertgas adina danovamain.
  • La SSR dirigia, segirescha e surveglia la qualitad cun controllas internas, retschertgas externas e cun ils organs da controlla da la Confederaziun.
  • La SSR gida a concepir la digitalisaziun cun ses know-how tecnologic.
  • La SSR è cun 6000 collavuraturas e collavuraturs la pli impurtanta patruna en la branscha da medias svizra. A moda directa u indirecta creescha sia activitad 13 500 plazzas da lavur (tenor in studi da BAK Basel dal 2016: «Volkswirtschaftliche Effekte des gebührenfinanzierten medialen Service public»).
  • La SSR generescha mintg'onn 283 milliuns francs cun reclamas.
  • La SSR è la partenaria da content e da tecnologia d'interpresas da medias e partenaria da scolaziun da scolas autas.

La SSR tutga tar las chasas da medias las pli transparentas da l'Europa.

La SSR en in'egliada:

  • uniun cun 24 000 commembers
  • interpresa cun 6000 collavuraturs
  • tschintg unitads d'interpresa
  • quatter societads affiliadas
  • 17 programs da radio
  • 7 programs da televisiun
  • purschida online cumplessiva
  • finanziada per 75 pertschient cun taxas

Custs d'emissiun