Charta da la musica svizra

La «Charta da la musica svizra» è ina cunvegna da collavuraziun cun la branscha da musica svizra. Ella è vegnida renovada il 2016.

Cun la Charta s'obligain nus d'emetter en noss programs da musica ina cumpart commensurada da producziuns da musica svizras. Las valurs directivas per la preschientscha da la musica svizra che noss partenaris fixeschan mintg'onn surpassain nus per ordinari.

Per promover la musica svizra er en il temp ch'il diever da las medias sa mida, extendain nus nossas stentas era sin la televisiun ed ils portals online. Uschia procurain nus che musicistas svizras e musicists svizzers vegnan udids e che novs talents pon sa sviluppar.

Radio Télévision Suisse (RTS) è responsabel per il festival da musica Label Suisse che ha lieu mintga dus onns a Losanna. Medemamain mintga dus onns organisescha RTS en in auter lieu il festival da musica classica  Schubertiade.

«La SSR è ina partenaria fidada per promover la musica svizra, betg mo quai che pertutga ils emetturs da radio,
mabain areguard sia entira purschida da program.»

Bruno Marty, manader da fatschenta Societad svizra d'i nterprets

Partenaria da la Charta da la musica svizra

  • Chasa da la musica populara
  • IFPI Svizra
  • Musicistas e musicists Svizra
  • Cooperativa svizra dals artists interprets
  • Cussegl svizzer da la musica
  • Sindicat musica Svizra
  • Uniun svizra da musica
  • Societad dals auturs ed editurs da musica Suisa
  • Associaziun svizra dals editurs da musica
  • SSR