La SSR s'inscuntra cun la societad svizra

Sco interpresa da medias cun incumbensa da service public gioga la SSR ina rolla particulara en l'ecosistem medial e vul perquai chapir meglier co che la populaziun percepescha sia contribuziun a la societad, saja quai areguard la coesiun sociala, la democrazia, la diversitad culturala u ils effects economics.

Ina nova furma da dialog

Co percepescha la publicitad questa valur publica? Tge tematicas stuess la SSR sviluppar prioritarmain per ademplir sia incumbensa da service public? Co sa differenziescha ella da las autras medias?

Per respunder a questas dumonda ha la SSR creà ina nova furma da dialog cun la populaziun a basa d'ina vasta consultaziun. Questa consultaziun ha per exempel mussà che 82% da las persunas interrogadas èn da l'avis che la SSR contribueschia a l'identitad svizra ed a la coesiun dal pajais. Percunter pensa ina persuna da trais ch'ella pudess entrar pli fitg sin ils basegns da la societad.

Set tematicas principalas da la SSR èn medemamain sa cristallisadas:

  1. la purschida adattada per il public giuven
  2. la qualitad e l'equiliber da l'infurmaziun
  3. la participaziun dals burgais e da las burgaisas
  4. la dimensiun svizra da nossa purschida
  5. la represchentaziun visibla da la diversitad
  6. la participaziun constructiva a l'ecosistem medial
  7. il dialog e l'abilitad d'acceptar critica

Retschertga online

Las set tematicas principalas approfundescha l'uniun purtadra da la SSR ils proxims mais ensemen cun la populaziun. 

Tge capita cun ils resultats?

Ils impuls, las propostas da soluziun ed ils puncts da critica che vegnan rimnads a las occurrenzas purtadra vegnan integrads enfin il zercladur 2020 en in rapport final naziunal. L'interpresa vegn ad evaluar las ideas ed ils impuls concrets da vart da la populaziun. Silsuenter vegn ella ad eruir las pussaivladads da svilup per l'interpresa. Las mesiras pon per exempel vegnir realisadas en il program, en ils chanals da vendita u en auters secturs da l'interpresa e da l'uniun purtadra.