Tge presta la SSR per il maletg da la Svizra a l'exteriur?
Bleras estras e blers esters s'interessan per quai che muventa la Svizra. En pli èn var 775?000 persunas registradas tar represchentanzas svizras a l'exteriur. Cun la plattafurma da SWI swissinfo.ch porscha la SSR a questa communitad multifara ina plattafurma online cun infurmaziuns da la Svizra en diesch linguas.
[Translate to Rätoromanisch:] Peter Schibli, Direktor von SWI swissinfo.ch, stellt die Plattform im komplexen Kontext ihrer mehrsprachigen Communities vor.
I dat bleras estras e blers esters che s'interessan per la Svizra e ses temas. En pli vulan las Svizras ed ils Svizzers a l'exteriur s'infurmar, sa far in'opiniun avant las votaziuns ed esser al current tge che curra e passa en lur pajais d'origin. Per tut questas gruppas en mira metta l'unitad d'interpresa SWI swissinfo.ch a disposiziun ina plattafurma en diesch linguas. Questa plattafurma vegn finanziada en parts egualas da la Confederaziun e da la SSR. Il mandat da prestaziun vegn damai definì en differentas funtaunas da dretg: en la Lescha federala davart radio e televisiun dals 24 da mars 2006, en l'artitgel 35 da l'Ordinaziun davart radio e televisiun dals 9 da mars 2007, en l'artitgel 14 da la Concessiun SSR dals 28 da november 2007 sco er en la Lescha federala da subvenziuns dals 5 d'october 1990.
La concepziun pli detagliada da la purschida vegn fixada en la cunvegna da prestaziun actuala 2017–2020 tranter la Confederaziun e la SSR:
Purschida: La purschida da SWI swissinfo.ch sa cumpona da cuntegns multimedials plurilings en la rait. Las contribuziuns stattan a disposiziun en las linguas englais, tudestg, franzos, talian, spagnol, portugais, russ, arab, chinais e giapunais. Da princip èn ils cuntegns sumegliants per tut las gruppas linguisticas. Ils accents tematics pon però variar sin fundament dal basegn d'infurmaziun different. La purschida cumpiglia rapports fundads producids da SWI swissinfo.ch da las spartas politica, economia, scienzas, cultura e societad, e tut tenor era contribuziuns da SRF, RTS, RSI e RTR ch'ils responsabels da SWI swissinfo.ch pon surpigliar ed adattar.
Cuntegns: Ils cuntegns vegnan elavurads or d'ina vista generala specificamain svizra ed intermedieschan puncts da vista svizzers areguard eveniments e svilups internaziunals. La purschida da SWI swissinfo.ch illustrescha era la vista da l'exteriur sin la Svizra e sin sias posiziuns.
Public en mira: La purschida da SWI swissinfo.ch sa drizza en emprima lingia ad in public internaziunal interessà a la Svizra. Ella s'adressescha però er a Svizras e Svizzers a l'exteriur ed als pussibilitescha da furmar ina libra opiniun faschond diever da lur dretgs politics en Svizra (votaziuns ed elecziuns).
Ultra da quai han la SSR e l'Organisaziun dals Svizzers a l'ester (OSE) ina cunvegna da cooperaziun. La cunvegna enumerescha las structuras fundamentalas per ina cooperaziun efficazia da l'OSE, la SSR e SWI swissinfo.ch – per la strategia, la commerzialisaziun e la purschida. La cunvegna datescha da l'avust 2017.
