Societads affiliadas

Las societads affiliadas èn interpresas che tutgan per almain 50 pertschient a la SSR. La SSR maina questas societads via las represchentanzas en il cussegl d'administraziun respectiv.

La societad affiliada SWISS TXT è il center da cumpetenza da multimedia da la SSR. Ella sa focussescha sin servetschs en ils secturs dad infrastructura dad ICT, video ed audio sco er accessibladad (suttitels, audiodescripziun, translaziun en lingua da segns).

Forma giuridica Societad d'aczias 
Direcziun Martin Schneider
Onn da fondaziun 1983
Participaziun da la SSR 100%
Cunacziunaris  Nagins

 

Website SWISS TXT

La Telvetia SA è ina societad da participaziun ad interpresas che collavuran cun las unitads d'interpresa da la SSR.

Participaziuns

L'Institut für Rundfunktechnik (IRT) a Minca era in center da perscrutaziun e da cumpetenza da tut ils instituts da radiodiffusiun dal dretg public da la Germania, da l'Austria e da la Svizra. L'IRT è vegnì annullà ils 31 da december 2020.

  • Participaziun SSR: 5,7 %

Las unitads d'interpresa da la SSR SRF e RTS mettan a disposiziun a la Keystone-SDA cuntegns da video actuals. I sa tracta da videos cun impurtantas novitads naziunalas ed internaziunalas dals differents ressorts. Keystone-SDA è autorisada da render accessibels ils cuntegns da video furnids da la SSR a sia clientella.

  • Participaziun SSR: 7 %

La Radio Events GmbH è vegnida fundada il 2003 da las quatter organisaziuns SSR, Publica Data AG, Associaziun svizra dals radios privats ed Union romande de radios régionales. Sia finamira è d'organisar occurrenzas en l'interess da la branscha da radio. Tranter auter organisescha ella regularmain il Swiss Radio Day (fiera da radio).

  • Participaziun SSR: 50 %

La Schweizer Mediendatenbank AG (SMD) è ina banca da datas cun artitgels da las medias da print e da las medias online, cun annunzias d'agenturas da novitads e contribuziuns da televisiun.Ella cumpiglia var 880 funtaunas naziunalas ed internaziunalas en tschintg linguas. Ils inventaris da la SMD vegnan actualisads mintga di ed èn avant maun a moda selectiva gia dapi il 1980.

La SMD tutga mintgamai per in terz a las interpresas da medias Ringier, TX Group AG e SSR.

  • Participaziun SSR: 33,3 %
  • Onn da fundaziun: 1996

La Swiss Media Cast AG proveda la Svizra tudestga ed il Tessin cun DAB+, il nov standard per il radio digital.

  • Participaziun SSR: 7,7 %

La Swiss Media Forum AG organisescha occurrenzas en il sectur da medias, politica ed economia che promovan il dialog tranter las responsablas ed ils responsabels da quels secturs.

  • Participaziun SSR: 10 %

Il Swiss Radioplayer è in'applicaziun, nua ch'ins chatta tut ils emetturs da radio svizzers. La SSR e las trais associaziuns svizras da radio Associaziun svizra dals radios privats (ASRP), Uniun dals radios locals nuncommerzials (UNIKOM) e Radio Régionales Romandes (RRR) han lantschà cuminaivlamain il Swiss Radioplayer.

  • Participaziun SSR: 25 %
  • Onn da fundaziun: 2019

TV5 Monde distribuescha novitads ed emissiuns d'infurmaziun franzosas en tut il mund e quai en nov versiuns adattadas a la zona d'urari respectiva. TV5 Monde vegn purtà da las instituziuns da radiodiffiusiun da dretg public dals quatter pajais francofons Frantscha, Belgia, Canada e Svizra.

  • Participaziun SSR: 11,1 %
  • Onn da fundaziun: 1984

La Viasuisse AG registrescha, verifitgescha ed elavura da di e da notg infurmaziuns da traffic stradal e viafieril da tut la Svizra e las surdat en trais linguas a las medias da la SSR ed ad autras clientas e clients.

Sias infurmaziuns retira la Viasuisse AG tranter auter da la polizia e da las VFF. Ultra da quai elavura la Viasuisse AG avis da participantas e da participants al traffic che telefonan via ils numers gratuits 0800 888 123 (tudestg), 0800 817 818 (franzos) e 0800 800 020 (talian).

  • Participaziun SSR: 36,1 %
  • Onn da fundaziun: 2001

Actualisà l'ultima giada: matg 2023