Roger Elsener

Carriera professiunala

Roger Elsener, oriund da la Svizra Centrala, ha terminà il 2003 ses studi a l'Universitad da Turitg cun in master en publicistica. Sia carriera professiunala ha el cumenzà tar Cablecom en la branscha da telecommunicaziun, nua ch'el ha lavurà enfin il 2006 sco manager da products per la televisiun digitala ed il radio digital. Silsuenter ha el occupà posiziuns da cader en differentas interpresas da medias, tranter auter a Berlin tar Viacom International Media Networks (Paramount), tar la gruppa svizra da 3+ e tar AZ Medien. Dal 2018 enfin il 2024 è Roger Elsener stà mainafatschenta da la gruppa da radio e televisiun da CH Media, ultra da quai ha el gì la funcziun da CEO da la CH Media TV AG, la cointerpresa da CH Media e Sunrise per lur gruppa da tv e la plattafurma da streaming oneplus. Enfin l'avrigl 2026 ha el lavurà sco CEO da Zattoo, il purschider da streaming principal da televisiun via internet en Svizra. Dapi il matg 2026 è Roger Elsener directur da Radio e Televisiun Svizra.

Mandats

nagins