Nicolas Pernet

Carriera professiunala

Nicolas Pernet ha terminà l'onn 2005 ses studi d'economia da manaschi a l'Universitad da Son Gagl (HSG) ed ha promovì il 2010, suenter segiurns a l'Universitad da Michigan ed a l'École des Hautes Études Commerciales de Paris (HEC), danovamain a la HSG Son Gagl. Ses emprims onns professiunals ha el lavurà sco manader da projects en il champ dal svilup d'interpresas per il sectur Digital Business dal concern da medias svizzer Ringier, nua ch'el è daventà il 2012 manader da projects en il CEO Office. L'onn 2013 ha Nicolas Pernet midà entaifer il concern en la gruppa dal Blick, nua ch'el ha surpiglià l'emprim la partiziun da marketing e pli tard la direcziun da la fatschenta da print. Silsuenter ha el manà il sectur Commercial Management ed è uschia stà responsabel per la svieuta totala da la gruppa. Dapi il schaner 2021 è Nicolas Pernet tar la SSR sco directur da Radiotelevisiun Svizra Rumantscha (RTR). 

Mandat

Fundaziun Patrimoni Cultural RTR (president dal cussegl da fundaziun)