Mario Timbal

Carriera professiunala

Mario Timbal è naschì il 1977 a Locarno. Suenter ses studi da litteratura a Losanna ha el lavurà dal 2005 fin il 2007 sco schurnalist per il «Corriere del Ticino» a Lugano. Fin il 2009 è el stà Business Development Manager da la Cannondale Cycling Group. Suenter ha el occupà diversas funcziuns tar il Locarno Film Festival – l'emprim sco responsabel per il marketing ed il sponsuradi, lura dal 2013 fin il 2017 sco Chief Operating Officer. Durant il medem temp ha el presidià il cussegl administrativ da la Ticino Film Commission ed è stà commember da la direcziun da «Swiss Top Events» e da l'uniun «Confèrence des Festivals» che reunescha ils organisaturs dals pli impurtants festivals da film svizzers. Il 2017 ha el surpiglià la direcziun operativa da la fundaziun culturala Luma ad Arles (Frantscha) ed è s'engaschà tranter auter per l'installaziun d'in nov center da cultura. Mario Timbal è vegnì elegì sco directur da la RSI l'avril 2021.

Mandats

Comunità Radiotelevisiva Italofona (CRI) (president); Fondazione Patrimonio Culturale RSI (president dal cussegl da fundaziun)