Interpresa

La chasa da medias independenta SSR è in'interpresa da dretg privat organisada a moda federalistica cun var 6900 collavuraturas e collavuraturs. Ella cumpiglia ina direcziun generala e las tschintg unitads d'interpresa Radiotelevisione svizzera (RSI), Radiotelevisiun Svizra Rumantscha (RTR), Radio Télévision Suisse (RTS), Schweizer Radio und Fernsehen (SRF) e swissinfo.ch (SWI).

Cun in retgav da gestiun dad 1,57 milliardas francs è la SSR la pli gronda chasa da medias da la Svizra. Ella vegn finanziada per 78 pertschient cun las entradas da la taxa da medias, per 15 pertschient cun entradas commerzialas e per 7 pertschient cun ulteriurs retgavs. La SSR è in'interpresa da non profit che porscha per incumbensa da la Confederaziun in service public audiovisual.

La direcziun generala a Berna è responsabla per la direcziun, la coordinaziun e la communicaziun da l'entira SSR. Las unitads d'interpresa sviluppan e derasan las purschidas en las regiuns linguisticas da la Svizra, SWI swissinfo.ch publitgescha online cuntegns schurnalistics per l'exteriur.