La cronica da la SSR dapli il 1931
Il terz radio naziunal
Il terz emettur naziunal Monte Ceneri cumenza sia activitad l'october.
L'inauguraziun dal studio Brunnenhof
Il matg vegn inaugurà il studio Brunnenhof a Turitg.
Emissiuns da tuttas uras
Tut ils studios survegnan in apparat da registraziun sonora cun bindel d'atschal. Cun quel èsi per l'emprima giada pussaivel da registrar entiras emissiuns e d'emetter quellas da tuttas uras.
Rapport da gestiun 1933
Charles Baud
Charles Baud è il segund president da la SSR. Ses temp d'uffizi dura dal 1933 fin il 1934.
Il dretg d'autur
L'industria da plattas sa lamenta pervi dals dretgs d'autur e vul iniziar process en Svizra ed a l'exteriur.
Il studio da radio da Genevra
Il studio da radio da Genevra rapporta gia dapi sias entschattas il 1925 davart las activitads da la Societad da las naziuns. Il 1934 per exempel davart l'adesiun da l'Uniun sovietica a la Societad da las naziuns sco era davart la guerra civila spagnola.
L'emprim reglament da persunal
La SSR determinescha sias pajas e cundiziuns da lavur gia il 1934 en in reglament da persunal. Il 1975 vegn quel substituì d'in contract collectiv da lavur (CCL). Tenor il reglament da persunal dal 1934 gudogna in emploià da biro u ina secretaria maximalmain 6600 francs l'onn, damai 550 francs il mais.
Rapport da gestiun 1934
Dapli sport
La purschida da program vegn augmentada, surtut en il sectur da las emissiuns da sport. La diffusiun da la Tour de Suisse il 1935 è in grond success.
