Sport per tuts

Il sport fascinescha, sveglia passiun ed emoziuns. Il sport unescha umans independentamain da la lingua, cultura u derivanza. Il sport è service public.

La Svizra, ina naziun da sport

80 pertschient da la populaziun svizra persequitescha eveniments da sport en las medias. Perquai èn emissiuns da sport spezialmain dumandadas e cuntanschan regularmain autas quotas d'aspectaturs.

Il sport è francà en la societad e tutga tar l'incumbensa dal service public da la SSR.

1 Sport Svizra 2014; Perscrutaziun dal martgà e dal public SSR 2016.

Il sport è ina part impurtanta da l'incumbensa dal service public da la SSR.
[Translate to Rätoromanisch:] Schwingen

Lutgar: inscenà medialmain da la SSR – e quai cun success

Engaschament da sport en 60 secundas

L'entira varietad dal sport

Nus avain rapportà detagliadamain ils ultims onns al radio, en la televisiun sco er en las medias online davart var 100 disciplinas. Noss emetturs SRF, RTS, RSI e RTR transmettan regularmain passa 20 disciplinas en directa – tranter auter disciplinas popularas sco ballape, hockey sin glatsch, tennis u ski alpin. Plinavant purschain nus ina plattafurma mediala a disciplinas che n'èn betg adina en il focus. Quai èn tranter auter gimnastica artistica, unihockey, ballarait, sport a chaval, atletica leva u remblar.

Il 2016 avain nus emess passa 12 000 uras sport en la televisiun, al radio ed en las medias online – da quai stgarsas 5000 uras en directa. Cumpareglià cun il 2011 è quai in augment da 36 pertschient sin l'entir volumen da sport, u ditg auter: 3000 uras dapli sport dapi il 2011.

En il medem spazi da temp èn las transmissiuns directas s'augmentadas per 57 pertschient, quai èn 1500 uras dapli sport en directa.

Quai è ina purschida singulara en la free-tv europeica.

Quantas uras sport emetta la SSR?

  • Emissiuns en directa 2016 5000 uras
  • Emissiuns en directa 2011 3500 uras
  • Volumen da sport total 2016 12000 uras
  • Volumen da sport total 2011 9000 uras
La SSR ha rapportà ils ultims onns da passa 100 disciplinas.
Nino Schurter

Producziuns

Nus avain bler know-how en la producziun d'occurrenzas da sport grondas e pitschnas. Perquai essan nus ina partenaria fidada per registraziuns e transmissiuns da gronda qualitad d'occurrenzas da sport.

La transmissiun dad events sco las cursas internaziunalas dal Lauberhorn, la Cuppa Spengler, ils superfinals d'unihockey, il CSIO Son Gagl u la Tour de Suisse cuntanschan mintg'onn in grond public.

Ils programs da sport dals emetturs da la SSR porschan programs preliminars ed analisas sco er intervistas e discussiuns cun giasts en il studio.

Partenadis

Dapi il 2006 producescha la SSR tranter auter las concurrenzas da skis alpin durant ils gieus olimpics d'enviern.

Era noss partenaris a l'exteriur stiman nossa experientscha da blers onns e nossa cumpetenza. Els incumbenseschan nus cun la producziun da grondas transmissiuns da sport per milliuns d'aspectaturs en tut il mund.

Dapi il 2006 producin nus tranter auter las concurrenzas da skis alpin durant ils gieus olimpics d'enviern.

Cifras e fatgs

Las reportaschas en directa èn a la testa da la glista da las topemissiuns da la SSR:

Uefa Euro 2016 en Frantscha – Svizra cunter la Frantscha:

  • 2,2 milliund aspectaturas ed aspectaturs sin tut ils emetturs da la SSR
  • Quota da participaziun al martgà: 65%

Campiunadi mundial da skis 2016 a San Murezzan Cursa rapida dals umens: Beat Feuz gudogna aur:

  • En media 1,3 milliuns aspectaturas ed aspectaturs sin SRF zwei, RTS Deux e RSI LA 2
  • Quota da participaziun al martgà: 71,9%

Cursas dal Lauberhorn a Wengen

  • 2 emnas
  • 32 cameras
  • Passa 10 tonnas material

Tour de Suisse

  • 9 dis
  • 10 cameras
  • 2 helicopters
  • 1 aviun
  • fan passa 1500 kilometers

Swiss Indoors a Basilea

  • 31 gieus = 71 uras da producziun
  • 18 cameras

Cuppa Spengler a Tavau

  • 11 gieus = 30 uras da producziun
  • 19 cameras e camera-chapellina per l'arbiter

Cun emissiuns da sport na pon ins far nagins daners en Svizra. La producziun da sport è pretensiusa e cumplexa.

  • En media cuvran la reclama ed il sponsoring sulettamain 10 fin 20 pertschient dals custs cumplains per ils dretgs, la producziun e la derasaziun.
  • Schizunt occurrenzas da sport sco gieus olimpics d'enviern e da stad na pon betg vegnir finanziadas cun la reclama. Il grad da la cuvrida dals custs dals gieus olimpics d'enviern 2014 a Sotschi ha per exempel importà sulettamain 17%.
  • En il ciclissem importa la refinanziaziun dals custs cumplains 4%.

Cursas dal Lauberhorn a Wengen

32 cameras
10 tonnas material