Divertiment per tuts

Il divertiment fa plaschair, è in gieu e dat tensiun. El educhescha, captivescha ed intgantescha. En la Svizra plurilingua facilitescha el la chapientscha tranter ils umans. Purschidas da divertiment intermedieschan actualitad a moda nuncumplitgada, dattan in'egliada umoristica sin la vita ed avran novas perspectivas. Bun divertiment è service public.

La diversitad dal divertiment

Bun divertiment n'enconuscha nagins cunfins. Ils emetturs da la SSR transmettan mintg'onn var 1500 uras program da show, divertiment musical ed emissiuns da quiz, da concurrenza e da gieus, circus ed artistica, talkshows, cabaret ed umor sco era divertiment popular.

Durant circa 5600 uras pon ins guardar films e serias. Quai correspunda a 26 pertschient da noss temp d'emissiun en la televisiun. Al radio emettain nus 1158 uras program da divertiment e da quiz sco era program tenor giavisch (dumbers dal 2016).

Bun divertiment è program

Mintga saira durant il temp d'emissiun principal envidan tschientmillis da persunas en l'entira Svizra noss emetturs. Ellas persequiteschan discurs e debattas cun persunalitads e stars.

Ellas rin e persequiteschan cun tensiun Svizras e Svizzers che mussan lur talents u che mordan or ils dents cun pensums difficultus. E cun noss films e nossas serias sfunsan els en munds plain tragica ed umor.

Divertiment per l'entira Svizra

En emissiuns sco «Persönlich », «1gegen100» u «SRF bi de Lüt» stattan en il center umans da tut las regiuns linguisticas da la Svizra. Noss divertiment sa sviluppescha cun e per ils umans en Svizra. El mussa las particularitads culturalas cun tut lur atgnadads regiunalas.

Passa in terz dal public da televisiun da la Svizra tudestga ha persequità l'ultima stafla da l'emissiun da la sonda saira «Die grössten Schweizer Talente». L'atgna producziun da SRF «Der Bestatter» ha gì il 2016 en media 700 000 aspectaturas ed aspectaturs – quai è ina part dal martgà da 37,5 pertschient.

Unterhaltung – das sind:

5600 Stunden Filme und Serien
1158 Stunden Unterhaltungs-, Quiz- und Wunschprogramm