Litteratura

La litteratura è l'art dal pled e la memoria da la cultura. Texts litterars reflecteschan la varietad culturala e linguistica. En la litteratura ans enconuschain nus nus sezs ed explorain il mund. La litteratura sveglia las mirveglias ed è l'istorgia ed il preschent. Litteratura è service public.

En emissiuns da litteratura dain nus in sguard sin il martgà da litteratura actual e purschain ina plattafurma a la lavur dad auturas svizras e d'auturs svizzers. Emissiuns sco «Il Tavulin litterar», «Impuls dal di» u «Magazin da cultura» permettan in'invista en ovras veglias e novas ed animeschan da leger. La scena da litteratura svizra muventa, e quai dat era vita al martgà da cudeschs svizzer.

Nus promovain la litteratura svizra

En il rom d'in partenadi da medias promovain nus dapi il 2007 ils Dis da litteratura da Soloturn ed il Salun da cudeschs da Genevra. Là surdat RTS dapi la mesadad dals onns 80 il «Prix des Auditeurs» e gia per la quarta giada il «Prix RTS Littérature Ados» – il sulet premi da litteratura per giuvenils en lingua franzosa.