Visiun, missiun e valurs

Visiun

Nus stgaffin confidenza. Nossa offerta duess abilitar noss public da sviluppar in futur prospectiv e multifar.

Missiun

Nus sustegnain la furmaziun democratica da l’opiniun. Nus infurmain da maniera equilibrada davart fatgs en noss pajais ed a l’exteriur e mettain a lieu quels.

Nus ans engaschain sin tut ils champs per dapli diversitad e la faschain visibla. Nus rinforzain l’avertadad e la chapientscha in per l’auter cun promover la lavur culturala e cun accumpagnar e preschentar occurrenzas da la cultura, dal sport e da divertiment.

Nus unin la societad svizra ed ans engaschain per solidaritad e chapientscha vicendaivla.

Valurs

La diversitad è in tratg caracteristic da la Svizra. Perquai mussain e promovain nus particularitads svizras e rinforzain la convivenza da maioritads e minoritads.

Nus ans engaschain per credibladad, cumpetenza e professiunalitad. La relevanza è per nus pli impurtanta che l’attenziun. Nus emprendain da sbagls.

Cun far noss programs e rapports essan nus independentAs, e libers/-ras d’interess politics, economics e d’auter gener.

Nus duvrain nossas resursas ed ils meds che stattan a disposiziun conscient e cun gronda responsabladad.

Ils umans ans stattan a cor. Nus promovain in cumportament gist e confident. Grazia a nossas ragischs regiunalas e grazia al barat cun la glieud essan nus manaivels/-las als umans ed a noss public.

Nus profitain da las schanzas da la digitalisaziun e gidain activamain da far midadas. Nus experimentain e svegliain emoziuns cun nossas offertas.