La cronica da la SSR dapli il 1931

La politica prenda influenza

Il Cussegl federal decida ch'ils programs da radio ston vegnir concepids en accord cun il Departament federal da l'intern.

Il studio da radio da Basilea

La Radiogenossenschaft Basel è vegnida fundada il 1926. L'onn 1940 dischlochescha l'emettur en il nov studio da radio en il quartier Bruderholz.

Professer Jean Rudolf von Salis rapporta davart l'andament da la guerra

L'entschatta da la «Wochenchronik»: en il studio da Turitg rapporta professer Jean Rudolf von Salis davart l'andament da la guerra. En il studio da Genevra surpiglia René Payot questa incumbensa ed a Lugano Fulvio Bolla. Las cronicas emnilas survegnan era blera attenziun a l'exteriur.

Il studio da radio da Genevra

A Genevra vegn inaugurà il studio da radio al Boulevard Carl Vogt.

Defensiun naziunala spiertala

La SSR contribuescha cun ses programs a la Defensiun naziunala spiertala.

Rapport da gestiun 1940

La pli gronda reportascha cun 40 emissiuns

Per il giubileum da 650 onns Confederaziun svizra vegn emessa la pli gronda reportascha dal radio svizzer fin oz: 40 emissiuns singulas, 14 registraziuns sonoras e montaschas sin tut ils trais emetturs naziunals e sin l'emettur ad undas curtas.

Rapport da gestiun 1941

Prognosas da l'aura en il radio

L'armada decida che las prognosas da l'aura ston vegnir emessas al radio sco emissiuns «destinadas per l'agricultura». Suenter ch'il Nebelspalter fa beffas da quai, renunzia ella a questa menziun.

Il radio vegn controllà da la Confederaziun

La controlla dal radio vegn surdada da l'armada al Departament da giustia, polizia e sanitad.