La cronica da la SSR dapli il 1931

Franz von Ernst

Franz von Ernst è il quart president da la SSR. Ses temp d'uffizi dura dal 1937 fin il 1950.

Il rumantsch daventa quarta lingua naziunala

Ils votants svizzers renconuschan il rumantsch sco quarta lingua naziunala. Il studio da radio a Turitg emetta dapli contribuziuns en lingua rumantscha.

L'emettur ad undas curtas augmenta sia purschida

Il Parlament federal approvescha credits per amplifitgar la purschida da l'emettur ad undas curtas (Schweizer Radio International, pli tard swissinfo.ch) a Schwarzenburg.

Ils dus orchesters da Losanna e Genevra fusiuneschan

Ils orchesters da Losanna e Genevra fusiuneschan a l'Orchestre de la Suisse Romande (OSR) sut la direcziun dad Ernest Ansermet. L'OSR stat a disposiziun tant per concerts publics sco er al radio.

Rapport da gestiun 1938

La tecnica televisiva vegn preschentada a l'exposiziun naziunala

A l'exposiziun naziunala preschenta la SPF/ETH Turitg per l'emprima giada en Svizra publicamain la tecnica televisiva. Ina gruppa d'acturs engaschada da la SSR mussa in toc che vegn filmà da la camera e transmess sin il monitur da l'apparat da televisiun.

Il radio vegn controllà da l'armada

Cun l'erupziun da la guerra vegn la concessiun da la SSR abolida fin ad auter urden a partir dals 2 da settember 1939. Il novnumnà «Servetsch svizzer da telediffusiun» vegn collià cun la direcziun generala PTT ed uschia controllà da l'armada. Il servetsch da program da mintga emettur naziunal vegn attribuì ad in singul studio: Berna per Beromünster, Losanna per Sottens e Lugano per Monte Ceneri.

Las emissiuns da l'exteriur vegnan spiunadas

La partiziun militara «secziun ureglia» taidla las emissiuns da las staziuns da l'exteriur. Quests protocols da spiunadi èn avant maun en l'archiv central da la direcziun generala da la SSR.

Mintga di quatter bulletins da novitads

Las emissiuns da novitads da l'Agentura telegrafica svizra (ATS/SDA) vegnan augmentadas tras l'erupziun da la guerra sin quatter bulletins da novitads a di.

Rapport da gestiun 1939