La cronica da la SSR dapli il 1931
Eurovision Song Contest – «Made in Switzerland»
Maletg: Keystone/Georgios Kefalas
Per l'emprima giada dapi il 1989 è la Svizra puspè l'ospitanta da l'Eurovision Song Contest (ESC). Cun ina show fulminanta en la St. Jakobshalle e cun il public viewing il pli grond en l'istorgia da la concurrenza da musica ha el lieu ils 17 da matg a Basilea. Sco commembra da l'European Broadcasting Union (EBU) è la SRG SSR responsabla per la realisaziun da l'ESC en Svizra.
Process da transfurmaziun «Enavant SRG SSR»
Maletg: SSR/Christine Blaser
La SRG SSR è pretendida uschè fitg sco anc mai. Enfin il 2029 sto ella spargnar var 270 milliuns francs, pia 17 pertschient da ses preventiv. Quai er perquai che la taxa da medias sa sbassa en l’avegnir sin 300 francs. Il medem mument sa mida l’ambient rasantamain. La SRG SSR vul porscher er en l’avegnir in program d’auta qualitad che cuntanscha tut las gruppas da la populaziun. Per che quai reusseschia, sto ella sa tschentar si da nov da fund ensi e sa transfurmar fundamentalmain. La SRG SSR daventa pli digitala, pli effizienta e pli movibla e collavura pli ferm sur las regiuns or. Esser francada en las regiuns, esser preschenta e damanaivel dal public – quai restan puncts centrals.
