Nus promovain la furmaziun

La scienza, la perscrutaziun e la tecnica èn in motor remartgabel per il success economic da la Svizra. Nus mettain il focus sin questas branschas da l'avegnir.

Nus tgirain la collavuraziun cun scolas autas – per exempel a chaschun dal di tematic «SRF Menschmaschine» 2016: otg uras e mez avain nus rapportà en directa dal cybatlon da la SPF/ETH a Turitg, ina concurrenza da perscrutaders davart ils temas protetica e robotica.

Plinavant sustegnain nus museums, exposiziuns ed occurrenzas e promovain la furmaziun en Svizra sco partenaria da cooperaziun da la scola da schurnalists svizra MAZ u dal Centre Romand de Formation des Journalistes.