Divertiment producì en chasa

Noss programs da divertiment èn ina tribuna per la Svizra – ina Svizra cun interess multifars e fermas valurs. Nus divertin ils umans cun cuntegns svizzers incumparabels. Perquai investin nus fermamain en atgnas producziuns.

Nus investin 335,3 milliuns francs en la sparta da divertiment e film. Quai èn 22 pertschient da noss budget. Da quels van 85 pertschient en purschidas da divertiment producidas en chasa e 15 pertschient en purschidas da divertiment producidas ordaifer (dumbers dal 2018).

Il 2019 han las unitads d'interpresa da la SSR realisà cuminaivlamain il film documentar fictiv en duas parts «La Dinastia Knie – 100 onns Circus Naziunal». Per satisfar a la diversitad da l'istorgia da la dinastia Knie han ellas fatg diever da la furma cumplexa dal drama documentar. Il raquint filmic sa cumpona d'ina montascha da material d'archiv, da scenas ficziunalas sco era da vuschs da perditgas dal temp e da l'accumpagnament documentar dals protagonists. Il svilup dal program da giubileum actual, vi dal qual la famiglia Knie ha lavurà passa in onn durant sia turnea 2018, sa tira sco in fil cotschen tras il film.

«Il film ‹La Dinastia Knie – 100 onns Circus Naziunal› è er in toc istorgia svizra, forsa schizunt ina part da noss'identitad. Entiras generaziuns han regurdientschas d'uffanza colliadas cun quest circus – era jau.»
Gilles Marchand, directur general da la SSR