Diversitad e qualitad

La purschida da la SSR s'orientescha als basegns multifars da la Svizra plurilingua e multiculturala. La diversitad dat perquai la tempra a nossas purschidas ed emissiuns e decida noss punct da vista.

Il vast spectrum da noss programs da radio e televisiun reflectescha la Svizra plurilingua e multiculturala. La Svizra multifara dat la tempra a noss formats, noss cuntegns e noss punct da vista – e quai sin l'entira paletta da l'infurmaziun, cultura e furmaziun sco er en il sport ed il divertiment. Noss service public cumpiglia tut ils aspects socials relevants da nossa convivenza.

La diversitad e l'independenza schurnalistica colliada cun auta qualitad garanteschan a nus ina posiziun a la testa dal martgà da medias.

Nossa purschida sa basa sin las valurs da noss maletg directiv:

  • credibladad
  • independenza
  • diversitad
  • creativitad
  • fairness