«Countdown»: L'emprim format d'Instagram naziunal per las purschidas giuvnas da la SRG SSR

Communicaziuns a las medias 10.05.2019

Las purschidas giuvnas da la SSR realiseschan per l'emprima giada in project cuminaivel: a partir dals 13 da matg lantschan ellas «Countdown» sin ils chanals d'Instagram da RTS Tataki, SRF Virus, RSI Spam e RTR Battaporta. Quatter regiuns linguisticas, quatter emnas e quatter umans cun istorgias dals pli interessants dis da lur vita.

«Countdown» è l'emprim format d'Instagram naziunal che reunescha tut las regiuns linguisticas: mintg'emna preschentan ils chanals da las purschidas giuvnas da las unitads d'interpresa da la SSR in'autra istorgia, accumpognan ina nova persuna – e tut quai en la lingua da la regiun respectiva.

Mintga persuna stat davant in'emna impurtanta da sia vita e «Countdown» l'accumpogna tras quell'emna captivanta. Qua è per exempel Seraina dad Uors en Val Lumnezia. La dunna da 32 onns vul viandar tschintg mais suletta passa 4000 kilometers tras l'USA. Curt avant la partenza dal sgol sto ella anc dar giu sia abitaziun e prender cumià da ses chars. Qua è Hamza da Losanna, il scolar da 16 onns, che s'engascha cun blera passiun per il clima e che planisescha ensemen cun ses amis la proxima chauma a favur dal clima. Ubain Marco, il cuschinier da 27 onns, che avra la stagiun da stad en in grond hotel ad Ascona. E Melanie da Tavau, la giuvna da 19 onns che vul vegnir skiunza da professiun e che orientescha sia vita cumplainamain tenor il sport per realisar ses grond siemi.

«Countdown» dals 13 da matg – 7 da zercladur 2019 sin ils chanals d'Instagram da RTS Tataki (@ta_ta_ki), SRF Virus (@srfvirus), RSI Spam (@rsispam) e RTR Battaporta (rtr_battaporta)

 

Post da medias SSR
Medienstelle.srg(at)srgssr.ch / tel. 031 350 95 95