Gulivaziun da finanzas
Sco chasa da medias publica stat la SSR garanta per solidaritad federala. Ella procura per in'offerta federalistica da purschidas audiovisualas en tut las parts dal pajais e tut las linguas naziunalas.
La SRG SSR è la suletta interpresa da medias che producescha purschidas audiovisualas en tut las quatter regiuns linguisticas ed en tut las quatter linguas naziunalas. Quai è pussaivel grazia a valurs svizras sco la solidaritad ed il federalissem – ellas èn il fundament da nossa identitad ed in mussavia per nossa lavur. Mo grazia a la contribuziun da solidaritad da las Svizras tudestgas e dals Svizzers tudestgs sa la SRG SSR servir era las autras regiuns linguisticas mintga di cun ina purschida da radio, televisiun ed online multifara e da gronda qualitad. Dals 915 milliuns francs che la Svizra tudestga incassescha survegn ella 550 milliuns francs. Ils ulteriurs 365 milliuns francs vegnan redistribuids sco suonda: 115 milliuns retschaiva la Svizra franzosa, 230 milliuns van a favur da la Svizra taliana e 20 milliuns ha la Svizra rumantscha dabun. Cun la gulivaziun da finanzas solidarica fa la SRG SSR ina contribuziun impurtanta a la coesiun naziunala, a la chapientscha vicendaivla ed al barat tranter las regiuns linguisticas.
Gulivaziun da finanzas da las entradas da la taxa da medias (1,29 milliardas francs). Ina gronda part da las entradas da la taxa da medias da la Svizra tudestga vegn assegnada a las autras regiuns linguisticas (incl. transferiment da las prestaziuns centralas; ina differenza per raschuns d'arrundament è pussaivla).
Actualisà l'ultima giada: mai 2025