La cronica da la SSR dapli il 1931
La SSR surpiglia la telediffusiun
La SSR surpiglia da la PTT la telediffusiun. La diffusiun via la rait da telefon permetta da recepir senza disturbis ils programs da radio da la SSR ed intgins programs da radio da l'exteriur.
Rapport da gestiun 1952
Il manaschi da televisiun vegn lantschà per emprova
La SSR lantscha uffizialmain in manaschi da televisiun per emprova: durant tschintg sairas l'emna emetta il studio Bellerive a Turitg in program da var in'ura, tranter auter la «Tagesschau». Era Genevra survegn ina concessiun d'emprova per il manaschi da televisiun.
Rapport da gestiun 1953
La fundaziun da l'Eurovision
Otg staziuns da televisiun europeicas fundeschan ensemen l'Eurovision, l'organisaziun per il barat internaziunal da programs. La SSR gioga ina rolla decisiva en connex cun questa fundaziun.
Il segund augment da las taxas da recepziun
La taxa da recepziun vegn augmentada per 30 pertschient. Quai chaschuna reacziuns vehementas.
Rapport da gestiun 1954
Rapport da gestiun 1955
L'introducziun d'undas ultracurtas
L'introducziun d'undas ultracurtas meglierescha la qualitad da recepziun e permetta als emetturs naziunals da realisar in segund program.
L'emprim Eurovision Song Contest
Quel onn ha lieu a Lugano l'emprim Eurovision Song Contest. In mument-staila dal program da divertiment televisiv ed in triumf per la Svizra: Lys Assia gudogna l'emprim Grand Prix cun la chanzun «Refrain».
