La cronica da la SSR dapli il 1931
Il radio ha passa in milliun utilisaders
Il dumber da las concessiuns da recepziun surpassa in milliun. Quai vul dir che prest mintga chasada ha da quel temp in apparat da recepziun.
La televisiun – in nov medium
Rapport da la direcziun generala davart las premissas per «introducir la televisiun en Svizra».
Rapport da gestiun 1949
Marcel Bezençon
Marcel Bezençon vegn tschernì sco terz directur general da la SSR. Avant è el stà directur dal studio da radio da Losanna. Ses temp d'uffizi ha durà dal 1950 fin il 1972.
Midadas persunalas e reorganisaziun
Renfatschas politicas a la direcziun generala pervia da sia tenuta ambivalenta durant la guerra chaschunan midadas persunalas e mainan a la reorganisaziun da l'administraziun. La finamira è dapli transparenza en il dialog cun la populaziun e la pressa.
Rapport da gestiun 1950
Differenzas da las pajas
Il salari da Denise Kreis, manadra da program dal radio da Genevra, vegn auzà da la tschintgavla sin la segunda classa da paja. La finamira è d'abolir differenzas da las pajas sin fundament da la schlattaina; en la pratica existan quellas dentant anc ditg.
L'emprima emprova cun programs da televisiun
En Svizra franzosa ed en Svizra tudestga vegnan lantschadas las emprimas emprovas cun programs da televisiun. En Svizra tudestga è l'opposiziun gronda. Ins tema che la televisiun destrueschia las structuras famigliaras. En il Tessin pon vegnir recepids ad interim mo ils programs da televisiun d'emprova da la RAI.
Rapport da gestiun 1951
Fritz Rothen
Fritz Rothen è il 5avel president da la SSR. Ses temp d'uffizi dura dal 1951 fin il 1957.
