La cronica da la SSR dapli il 1931
Rapport da gestiun 1945
La Chaîne du bonheur
Roland Nordmann e Jack Rollan da Radio Lausanne lantschan l'emissiun «Chaîne du bonheur» via il radio Sottens e collecteschan daners a favur d'umans en miseria en Svizra ed a l'exteriur. Il radio Beromünster ed il radio Monte Ceneri suondan cun la «Glückskette» respectivamain «La buona azione».
La Fundaziun da la Cumünanza Radio Rumantsch
La Cumünanza Radio Rumantsch (CRR) cun sedia a Cuira e l'Innerschweizerische Rundspruchgesellschaft (IRG) a Lucerna vegnan fundadas. Questas societads na disponan dentant da nagin agen studio da radio.
L'emprima radunanza da delegads suenter la guerra
Suenter in'interrupziun da set onns ha lieu suenter la guerra puspè ina radunanza da delegads da la SSR.
Rapport da gestiun 1946
L'augment da las taxas da recepziun
L'emprim augment da la taxa da radio da 15 sin 24 francs. Dus terzs van a la SSR, in terz va a la PTT.
Rapport da gestiun 1947
L'emissiun internaziunala da la Chadaina da Fortuna
I vegn organisada l'emprima emissiun da la Chadaina da Fortuna sin basa internaziunala per gidar uffants europeics en miseria. A l'acziun sa participeschan sper la Svizra la Germania, l'Austria, la Frantscha, l'Italia, Monaco e Triest. La Svizra rimna 700 000 francs.
Rapport da gestiun 1948
La SSR tema per sia autonomia
Grondas renfatschas cunter ils studios da radio da Basilea e Genevra, perquai ch'els han acceptà la collavuraziun da commembers da la partida communistica. Il directur dal studio da Basilea Emil Notz sto inoltrar sia demissiun. En ina segunda fasa survegn la polemica era tratgs confessiunals. Ils catolics pretendan ina megliera participaziun en l'organisaziun ed en il program. La SSR ha tema da perder sia autonomia.
