La cronica da la SSR dapli il 1931
Rapport da gestiun 1942
La guerra dals orchesters da radio
I dat ina discussiun intensiva davart la reorganisaziun dals orchesters da radio. Er en il Cussegl naziunal vegn quest tema debattà.
La demissiun da Félix Pommier
Conflicts cun l'administraziun da la posta mainan a la demissiun da Félix Pommier, directur dal studio genevrin, che publitgescha sin quai in pamflet «La radio sans mystère» che bitta ulteriuras undas.
Rapport da gestiun 1943
La cassa da pensiun vegn fundada
La cassa da pensiun da la SSR vegn fundada. La SSR sa distingua sco patruna progressiva.
Pretensiuns da reorganisaziun
Vers la fin da la guerra datti adina dapli vuschs che pretendan da «democratisar» e reorganisar il radio.
Rapport da gestiun 1944
La concessiun entra puspè en vigur
Ils 20 da fanadur entra la veglia concessiun da la SSR puspè en vigur ed ils organs da la SSR survegnan danovamain lur dretgs cumplains.
La fin dal servetsch da novitads da la damaun
L'Uniun d'editurs da gasetta e l'Uniun da pressa svizra pretendan da smetter cun il servetsch da novitads da la damaun, introducì provisoricamain il 1939. Tut ils bulletins da novitads producids da l'ATS/SDA vegnan dentant emess vinavant al radio. L'ATS survegn però ina pli auta indemnisaziun per producir quests bulletins da novitads.
Emprimas emissiuns da profundaziun
L'ura da naschientscha da las emissiuns «Echo der Zeit», «Le micro dans la vie» e –dentant pir il 1948 – «Il Quotidiano». I vegn creà ina rait da correspundents – er a l'exteriur.
