Provediment da basa en situaziuns da crisa

Grazia a sia structura sco interpresa naziunala èsi garantì che la SSR po infurmar la populaziun er en situaziuns extraordinarias. Èn necessarias instrucziuns da cumportament concretas a la populaziun, pon las autoritads instradar in'annunzia d'alarm (sistem d'infurmaziun Icaro). Durant crisas severas è la SSR l'organ d'infurmaziun uffizial dal Cussegl federal.

Cunvegnas da prestaziun garanteschan ch'il Cussegl federal po sa drizzar da tut temp a la populaziun. Sche la SSR n'è betg pli buna da producir e derasar ses programs regulars, produceschan sias schurnalistas e ses tecnicists in program da radio d'urgenza en trais linguas sut la responsabladad directa da la Confederaziun.