Derasaziun

La SSR producescha e derasa programs per l'entira Svizra. Cun agid d'ina infrastructura cumplexa ademplescha ella sia incumbensa da distribuziun.

Differentas modas da recepziun per noss programs da radio e da televisiun garanteschan in provediment da bunamain 100% da las chasadas. Nus investin en l'avegnir digital da las medias e nizzegiain uschia per noss public il potenzial da novas tecnologias e lur qualitads. Nus pussibilitain televisiun d'auta resoluziun (HDTV e Dolby Digital) e radio senza disturbis (Digital Audio Broadcasting, DAB+).

Derasaziun da programs e cuntegns

  • Satellit DBV-S
  • Cabel DVB-C
  • Internet/streaming
  • Boxa digitala IPTV
  • HBBTV
  • DAB+
  • UUC
  • Radio via satellit
  • Radio via internet 
  • Radio via cabel 
  • Televisiun via internet
  • Boxa digitala IPTV
  • Radio via internet

Il diever da las medias sa mida

 La digitalisaziun mida las disas ed ils basegns dals consuments da medias:

  • Purschidas da multimedia en l'internet satisfan meglier ad interess spezials che formats derasads a moda lineara.
  • Ils consuments fan diever da purschidas via apparats multifuncziunals, e quai pli e pli a moda independenta dal lieu e dal temp.
  • Ils giuvenils consumeschan adina damain radio a moda lineara. Tuttina sa fan valair meglier noss emetturs visavi nossa concurrenza. Grazia a la pussaivladad da tadlar las emissiuns da tut las uras (podcasts, radio on demand) u en l'internet gudagnain nus novas audituras e novs auditurs da radio.
  • Grazia a l'internet n'èn ils consuments da televisiun betg pli liads a temps d'emissiun. Els consumeschan ils cuntegns ch'als plaschan il meglier, e quai a moda independenta dal temp.

Nossa purschida multimediala s'adattescha a questas midadas e cuntanscha uschia era la nova generaziun da medias.