Coesiun e barat

Cun noss service public provedin nus la populaziun svizra cun programs da radio e televisiun e pussibilitain uschia la diversitad d'opiniuns. Il medem mument preschentain nus a moda cumplessiva la realitad svizra sin plaun naziunal, linguistic-regiunal, al radio era sin plaun regiunal, e quai en tut ils secturs relevants da la societad: da la politica, cultura, economia e societad fin al sport e divertiment.

Uschia contribuin nus a la coesiun tranter las differentas parts dal pajais, al barat tranter las regiuns linguisticas ed a la chapientscha vicendaivla da las differentas culturas.

Cun auters pleds: nus ans differenziain da purschiders commerzials, perquai che nus

  • resguardain tut las regiuns linguisticas sco era maioritads e minoritads,
  • purschain la diversitad da temas, cuntegns e furmas da preschentaziun,
  • na mussain betg mo la cultura, mabain la creain era,
  • n'ans focussain betg mo sin quotas, mabain ans concentrain sin la qualitad, credibladad e relevanza,
  • essan independents dad interess politics ed economics.