Visiun ed strategia

L'interpresa da medias SSR è organisada tenor dretg privat e vegn manada confurm al dretg d'ina societad anonima. La SSR è obligada al service public ed ademplescha in'incumbensa da la Constituziun federala, da la lescha da radio e televisiun e da la concessiun.

Sco interpresa da non-profit sa finanziescha la SSR per circa 75 pertschient via las taxas e per var 25 pertschient cun sias activitads commerzialas. Ella è politicamain ed economicamain independenta.

Actualmain sa mida la branscha da medias a moda radicala. Ultra da quai agescha la SSR entaifer clers cunfins politics. Per quest motiv definescha ina strategia d'interpresa las finamiras e prioritads dals proxims onns e garantescha che tut ils collavuraturs e tut las unitads d'interpresa hajan las medemas finamiras principalas.